يـــمـــه ..تكفين اسمعيني ...
يمـه بسألك شي ..جاوبيني ..هو صحيح اللي مات داخل القبر يصير حي ...؟؟؟
يــمـــه ...أسمع أنــا صوتك ..كل يوم اسمعه ..واذا حاكيتك هاوشوني ..قالوا انسي ..روحي يالله العبي .... !!
يمه تعالي ارجعي ...والله خلاص بسمع كلامك ..ما اخرب العابي ..وان قلتي يالله ..روحي نامي ..أروح حتى ماتزعلي ..يمه تكفين ارجعي ..
اليوم حطت لي المديره .. نجمه من فوق جبهتي ..يمه سمعتها تقول..مسكينه هالبنت صارت يتيمه ..قالت لها ابله منيره ..مسكينه توها صغيره ..وش كانوا يقصدون ..؟يمكن عشاني صرت عاقله ..ولا عشاني دايم اسرح
يمه مريولي توسخ ..ماكان قصدي اوسخه ...بس تذكرت انك تقولي ..بعد شهرين..بشتري لك لبس ثاني ..يمـه تعالي اشتري ...
يمـه عرفتي مها ..؟صديقتي اللي معي ..زعلتني ..تقول ماصرت انا اضحّـكها راحت تدور غيري عشان تلقى احد يونسهـا
يــمــه يالله خلاص لاتمزحي يالله قومي تعالي معي للبيت ارجعي
يمه يمه نسيت شي ..بقولك ترى بيتنا صار فاضي ..ماحد يجينا ..وكل اللي فيه انا واخواني ..ليه وين اقاربنا ..؟؟ وين خالتي ..اللي كانت تجينا ...
يمه قوومي يالله تعالي ..تكفين يالله تعالي ..ماودي ارجع لحالي والله خايفه ..
ترى امس جيتك ..مارديتي ..حسبتك نــايمه ..أو اقولك ..خلاص خلاص ..انا بجيك بكره ..اذا راحوا من هنا الناس ..
تكفين يمه بكره اصحي ..تكفين يمه بكره ارجعي
(رسالة)
هناك 21 تعليقًا:
وااااي ... كافي بس كلمة يمه بروحها تخلي اللي قلبه صخر جلمود يلين
الله يحفظ أمهاتنا وابهاتنا من كل شر و يرحمهم برحمته دنيا وآخرة و يعيننا على برهم و طاعتهم إن شاء الله
بس سؤال شطاري عليك هالموضوع ؟ عيد الأم و خلص
بعيد الشر عن كل ام
واول ام بعيد عنها الشر امنا الكويــــــــــــــــــــــت
يمة...
ويرتجف في القلب كل احساسه
ضياع طفلة
ومشاعرمتضاربه
أمل يائس
وشوق صعب
!!
تدري شلي يعور القلب؟
انه الكلام غير متكلف
والتعبيرات عفوية
تنقل تفاصيل يومية
وحاجات طفلة بريئه
ومشاعر صادقه نحملها في داخلنا مهما كبرنا
مهما تغيرنا
مهما استقوينا
داخلنا طفل ما يتخلى عن أمه
!!
ولد الديرة:
انته كاتب هالرساله؟
وما جاوبتني
ما لقيت لنفسك سبب يخليك تقرا لاستكانة؟
وعلى فكرة:
دمعت عين استكانة
:(
سدرة
اللهم آمين
مدري! يتني برسالة، غلقت، قلت ليش اغلق بروحي، خلني اشارككم الغلقة
فتى الجبل
اللهم آمين، هالعومة ما يندرى شآخرتها
esTeKaNa
لا ماني الا ناقل من رسالة، بس ضاق خلقي قلت اضيق خلقكم شوي مو كل يوم ضحك عاد
سؤالج صعب احيله الى براقش، عندها كل الأجوبة :)
رساله وايد مهمه
ما يحس بقيمة الام
الا اللي فقدها
اللهم ارحم موتانا و موتى المسلمين
الله لا يحرمني من امي
بوست مؤلم
عسا الله يخليها لي ولا يحرمني منها
ولا يحرمكم انتوا بعد :)
Peace
صدقتي والله
صبا
موجودة بصور ماليزيا؟
Selezya
الله يحفظ الجميع بحفظه
حرام عليك :/
اتعور القلب
وعليه الله يعوضها
مع انه الام ما تعوض
الله يخلي لنا امهاتنا
و ابهاتنا و يعينا على برهم
الخيلاء
يحفظ لك من يعز عليج قولي آمين
المعذره؛؛ما فهمت ؟؟
منت هين والله
كلامك حلو
ويارب تحفظ أمهاتنا يارب
من وين يايب هالعواطف
الصمت أبلغ من الكلام
أحترم جدآ أيصالك للكلمة بكافة معانيها
صبا
قصدت الوالدة الله يحفظها كانت معاج في ماليزيا؟
حسافتج يا كويت
مو مني ترى، يايتني رسالة بس عدلت فيها شوي، بس اشكرك :)
فريج سعود
صبرك علي، الحين عواطف، باجر حتى صنعة والله يرحمها ام زايد اطلعهم انطر بس :)
ابروحي ضايق خلقي
بس ماكنت اتخيل اني افقد امي الله يطول بعمرها لأ, كنت اتخيل لو انا يصير فيني شي شيصير بعيالي ؟؟؟؟؟
شكلي بظل ابوع امغلقة :(
chatterbox
حتى نعرف نقدر السعادة، لازم نغلق شوي
لكن هونها رب العالمين
ان مع العسر يسرا، ان مع العسر يسرا
هونيها :)
الام نقطة ضعف للكل لاتبجونا ياجماعة
لوووووووووووول
قواك الله وهسى الله يحفظ امهاتنا
وردة حب
اللهم آمين
هذي صورة عواشة الرشيد؟
قطيييييييعة لاااااااا شطااري عليك؟؟
شدعوة قل نظرك:p
وردة حب
مو آخر شيء شفته بالتلفزيون قبل لا انام دعاية جبنة كيري، تعرفينها؟ اللي البنية تقول حق الصبي:
"دخلك هاي اللي بتعمل جبنة كيري؟"
الرك على الهاي :P
Mooooooooooooo
إرسال تعليق