ماذا سيكون حالي عليه لو لم أكن كويتياً؟
ماذا لو كنت قد ولدت لأبوين من اليابان مثلا!
استلقيت على فراشي وانا اقهقه على الفكرة ليلة امس
فاجئتني بعلتي بصرخة مغلفة ب 10% ذرابة
"ليش تضحك! بتاخذ علي!!"
"ولين"، رديت بهمس معسول يقطر رومانسية
قاعد افكر شلون راح يكون رمضاننا لو احنا عائلة يابانية
اولاً
هل اليابانيين عندهم تشريب؟
هل عندهم اي شيء يشابه اليريش؟
طيب اللقيمات!
شهالرمضان اللي بدون هالثلاث شغلات الرئيسية على مائدة افطاري!!!
شفطر بالله عليه
سوشي منهنه؟
تشريبة ساكي؟
ربنا لك الحمد والشكر أنك خلقتنا مسلمين لك
***
الطريف قعدت افكر
لو ابوي هالساموراي اللي ما ادري منهو لازم بريك على راسه
اكو احد يتحرش فيني؟
هذي ام صبع والا شنو!
***
اعرف ان اليابانيين جماعة عرقية واحدة
هناك اليابانيين من اصل كوري وهم يُعاملون معاملة تختلف عن الياباني الأصيل
سبحان الله
هم باليابان اصيل و مو اصيل!
هناك 12 تعليقًا:
هههههههههه
شطرا على بالك
لووووووووووووووول
ياباني مره وحده
لوووووووووووووووول
--------
اي والله ياخوك
الحمدلله اللي خلقنا مسلمين
ثقل طينه..تبي تقنعنا انك تصوم و تصلي...اللي يعرفك زين يدري انك ما تعرف ربك و لا تحشم خلقه
ولد الديره ..
تبي الصج .. احمد ربك على ثلاث نعم ..
انك مسلم
عربي
كويتي
وتقدر تضيف عليها سني :)
موفق ومن فترة ماسيرت علينا ..
اليابانيين عندهم تشريب؟هل عندهم اي شيء يشابه اليريش؟طيب اللقيمات؟
لا يولد ديرتي حتي لو عندهم مو هذي المشكله ؟؟؟؟؟؟؟؟؟
المشكله اشلون تاكل بالعود(العيش والتشريب)
غير معرف
انت تقول اللي يعرفه زين يعرف انه لا يصلي ولايعرف ربه
سؤال انت شدررررااااااك!!
يعني اهو بعد نظر ولا تشيير ولا اخاف انت ولد الديرة وتبي تتحرش بروحك ولا شنو ؟؟
فهمني ما عليه اخذني على قد عقلي بس اللي انا خابره انه محد يعرف شخصيته الصجية انت شلون عرفت!!
الحمدلله :)
هههههههههههه والله يا اخوك مرات تجيني نفس هالهواجيس، ولا نملك الا الحمد لله على نعمة الاسلام اولا، واني خليجي ثانيا (تدري شغالين على في الجنسية الرابعة(الاماراتية) الحين ، بس لا تخاف الولاء اكيد للحبيب الاولي واقصد حبيبتنا الكويت)
العزيز ولد الديرة
اريكاتو
أظنك تذكر أين قيلت هذه الكلمة!؟
:)
مع وافر الاحترام والمودة
السلام عليكم
تدري ولد الديرة لما آكل التشريب اتذكر كيف ان الرسول صلى الله عليه وسلم كان يحب ياكلها وطبعا كانت تسمى الثريد ولازالت في السعودية ينقالها ثريد , يا حلو اكلنا وزيد عليهم القبوط خصوصا لما تولد وحده بالعايلة والوالدة اتنفسها وانجابل القبوط كأن احنا الوالدين , والمرقوق عاد تعال اكل المرقوق بالعود عباله :)
kuwaitawy
قلت على الأقل اختار جنسية تعرف تسوي لاب توب وهي ناطرة الفطور :q
بعد جبدي غير معرف
يا خوي الناس رمضان
اذكر الله
انسى اللي سبب لك قرحة وانقهرت منه ولا عرفت ترد عليه
خلاص عاد :)
بعدين تعال بقول لك
انت على بالك صج غير معرف؟ :q
اقول اليوم اللي انت بتقيم فيه خفة والا ثقل دمي هو اليوم اللي بقط فيه اللاب توب من الدريشة واخلي كومار يلقفه بالحوش
خو تعلمنا عليكم اكو وايد منك منت اول واحد
اللهم اني صائم بس :)
molok
الف حمد وشكر يا رب
سامحني يا الحبيب ادري اني مقصر لكن ان شاء الله امر
صبا
لووووووول
اي والله!
واليريش!
Hussain
يا معود طوف واللي يسلمك :)
حياتي هدف
شلون الهمة ؟ :)
ام الهيماني
لول
الرابعة :q
شـقـــــران
ذكرني
:q
تبي شاشة عودة؟
someone_q8
اااااااااخ
اصبتني في مقتل :>
إرسال تعليق