لا أعرف طالب مستجد يبذل جهداً اكثر من هالحبيب
فاللذي يرد الروح على ذمة مريديه دش بقوة للمجلس ومن اول يوم "يريد" الإصلاح طبعاً والله حسيبه
بدع في مسألة شراكة مؤسسة البترول الكويتية مع شركة داو الكيميائية لدرجة أن جريدة الوطن تفرغت لتصريحاته التي اصبحت سمة يومية في الجريدة اياها حالها حال مقالات فؤاد الهاشم
آخر ما تفتق اليه المستجد في ذمْ شركة داو القول بأن اصول الشركة قد انخفضت!
WOW
تحليل اقتصادي فريد من نوعه
هو فيه شركة بالعالم ما انخفضت قيمة اصولها؟
واضاف بأن داو اغلقت بعض مصانعها!
ملاحظة ثاقبة!!
يعني شلون؟ اذا فيه ازمة مالية افتح مصانع جديدة؟
طيب سؤال، العالم راح يستغني عن البتروكيماويات؟
واذا ما راح يستغني وطبعا ما راح يستغني، منو اللي بيصنع المنتجات البتروكيمياوية؟ الزمردة؟
يا اخي مو بالعافية بتصير اصلاحي ولا وطني
و حواليك كباتن مثل اللي حاوطوا هالمسكين :)
على فكرة اخاف ما وصلك الخبر
ترى فيه ازمة مالية صار لها سنة وشوي
وكرايزلر صكت مصانعها شهر من كثر ما هي قاصة
يبيلكم وكالة مصنع جبريت يشب من اول مرة
هناك 17 تعليقًا:
هالخبير اللي شاد حيله
خبرته تنحصر بالقز بالكافيهات قبل
مايدري وين الله قاطه
بس هذا الإعلام وماادراك ما الإعلام
يسوي من القزم عملاق
انت في احد ما حطيت دوبك دوبه؟
بس ولد الديرة اللي ما ناشبته
!!
يا صباح الخير :)
هالبوست اثبت انك موتائفي :p
بقولون بس هاليومين اللي يقعد امبجر صح ؟ الله يستر على ديرتنا
صباحك رضا من الرحمن
احرق الروح قبل لا تروح ... واكتب على القلب طفاااايه
يأخي حتى الخنفور صرح؟؟
مسألة الداو انت قاعد تثبتها ياولد الديرة بنفسك من خلال ما ذكرته
صدقني لو هالمشروع ما يشوبه شائبة لكان مشى غصب طيب
أجل وزارة عملاقة و يا كثر مستشارينها اهي و المؤسسات التابعه لها عجزانه انها ترد علىالاسئله النيابية اللي تقدمت لها
هذا الشي اللي يخليني اقول
بـاطل بـاطل بـاطل بـاطل
تكفى لا تردد لي النمط المعتاد ان رد بمؤتمر صحفي و لقاءات تلفزونية
واحد اسالك سؤال رد عليه شنو خسران
اهني مربط الفرس يالزميل
انا امس رايح الجلسة
طلعت بنتيجة وحدة بس
دام الكويت بحلوج هالنواب عيل لا طبنا ولا غدا الشر ..
WOW هذا مو محل الكيك اللي بالدسمة مادري شرق
بس انا توني ادري إنه إذا إنزلت اصول الشركة ما تفتح مصنع يديد
بس هم يرد الروح :P
تكلم عنه مثل ماتبي :)
اخذ راحتك .. دربك خضر :)
kuwaiti_cool
يعني هم ما يصير اشري بورش وما اقز!
ميرامار
فيه اثنين ما اتحرش فيهم
ملك بوتان
و وكيل عريف عند بوابة مجلس الأمة كله يزرقني
بس
مساج الله بالخير
ليش ما عنده منبه اول؟
Eng_Q8
يازت لي هالكلمتين
من قايلها؟ ادونيس! :)
Enter-Q8
راح اقول لك اللي قاله صديق له علاقة بالصنعة
يقول راح وفد للميلس الموقر وقعد مع الجماعة وعطاهم كل شيء
قمز واحد من النواب وقال "يا جماعة والله كلامكم على العين والراس بس قلبي ناقزني!"
نقزوك ابراحة فيها 4 دوبرمان مو ماكلين من اسبوع
ابد يا الحبيب، الباطل هو التكلم بشيء غير ملم فيه
mtfa2el
رايحة شمام ورويسك
shahad
ما ينلام
كويتي متعود ان الشركات مدعومة ولو شيصير ما تسكر
الإقتصاد الكويتي امتن من الأمريكي
As YoU LiKE
اشكرك
دز له اللنك، On the rocks :)
عجبني التشبيه اللي اول شي بالطالب المستجد :)
بعدين ياخي الريال اقتصادي يعني المفروض فاهم الموضوع .. بس هالايام في شي غريب صاير .. اعارض من اجل المعارضه فقط ..
موفق
اي هذولي الي يسمونهم " سنة اولى مجلس " !!
الظاهر وده يصير نفس الربعي ولا المنيس !!
هو وين وهذولي وين !!
افضل وسيلة للدفاع .. الهجوم !!
اضرب القوي .. وتكلم جم كلمة امس قاريهم من المعجم .. ورزز روحك بالجرايد ..
وتصير شمشمون الجبار :)
وتحياتي ..
ويسلموااااااااااااااااا :)
العزيز ولد الديرة
امام الملئ و كل المدونيين
اقولها و اتحمل المسؤلية الادبية
ما في احد رد على الاسئلة اللي قدموها النواب
ولد الديرة شغل يروحون يقعدون و يفهمونهم حبه حبه ما يمشي يا خوي احنا مو بحضانة
هذي دولة يا سيدي
ارد و اقول
ليش ما ردوا و اهم باستطاعتهم انهم يردوا
اهني مربط الفرس طال عمرك
ان الشركة معذورة بخسارتها مو معناته الاستثمار فيها صحيح وبالغالي على اساس ارقام ما قبل الخساير
نعم العالم يحتاج بتروكيماويات لكن لنستثمر فيهم على اساس سعر السوق الحالي
طبعا غير سالفة الكوميشنات واللي خبرك من اعراف سياسية كويتية
آخر من افكر اتباع اخباره ... اهو هالبطل!
خله يستريح..
انا سمعت ان كان موظف بالـ kpc و بعدين قضبوه الباب و قالوا له : إقضب المقير!
molok
اقتصادي يبي معاش حكومي! اكيد اشتراكي :q
Q8EL5AIR
شمشون كان اقتصادي؟ :q
Enter-Q8
انا ما اشك فيك
لكن
ممكن تحط لي الأسئلة (طلب جدي جداً) علشان نعرف محتواها
كويــتي لايــعه كبــده
يا عزيزي توضيح
الشركة مو خسرانة
سهمها نازل نعم
تدري جم سعر سهم الكرايزلر اليوم؟
مش عالخريطة اساسا لدرجة ان ديملر بنز شاتوا الشركة وخلوها تصفي على الميني فان
السعر اللي تفضلت وذكرته تعدل وعموما انت شايف ان الأزمة عالمية مالها علاقة بالبتروكيماويات فقط
حسام بن ضرار
والله للأمانة انا ادري انه كان موظف بالمؤسسة لكن ما ادري اذا مقضبينه الباب والا لا
اشوه انه ما كان بالمغاوير والا جان شيفكنا
العزيز ولد الديرة
اهداء يرد الروح
:)
مسرحية العيــال كبــرت
شوف الدقيقة 1:35 لما سعيد صالح زف يونس شلبي...تكفى شوف يونس شلبي وشلون يرد عليه ويقول كلمة
امشي
:))))
تقبل مني وافر الاماني الطيبة
شقــــران
هلا بالغالي
لول
مسرحية ما ينمل منها فعلا
اما هالأثنين سعيد صالح ويونس شلبي بدعوا وشالوا المسرحية شيل
تصدق يونس شلبي ينفع يكون اقتصادي لأنه ما بيجمعش :q
إرسال تعليق