ما ادري شخبار ستيف صديق الدراسة في بريطانيا العظمى
ستيف مكدوغال ولد حمولة وبالأساس اصله اسكتلندي
كل عيد ضحية يروح يكبر ويضحي ستيكات ويوزعهم على الفقارى وياكل هو واهله ثلث الستيكات
اقول له يا ستيف ليش تسوي جذيه وانت نصراني
يرد علي بفخر ويقول ما ابي يطوفني الأجر!
طبعاً للي ما فهم الى الحين القصة يسعدني اقول له الله بالخير
ليش بعض اخواتنا واخواننا بيوم فالنتاين يستخفون؟
اولاً حتى بالإنجليزية يسمونه يوم Day
شكو انتوا تسمونه عيد!
ثانياً انتوا ما تفرقون بين ال F وال V؟
ترى والله بال V ولما تطلع منكم بال F تذكروني بالفليت مال اول، الله يلوع جبد العدو
ثالثاً فالنتاين اسم قديس مو اسم واحد بالمنبر الديمقراطي
قال رسول الله صلى الله عليه وعلى آله وصحبه وسلم:
لتتبعن سنن من كان قبلكم حذو القذة بالقذة، حتى لو دخلو حجر ضب لدخلتموه
قالوا (أي الصحابة رضوان الله عليهم): يا رسول الله، اليهود والنصارى ؟
قال صلى الله عليه وعلى آله وصحبه وسلم: فمن؟ (أي من غيرهم)
صدقت يا رسول الله
و يا شين شيء ما شابه اهله يا جماعة الخير
حبوا، مو لا تحبون
بس للتذكير، يا للصدفة
ترى اللون الأحمر حلو
بس عادة يشيش الثيران
هناك 23 تعليقًا:
عيل ستيف ما يبي يطوفه الأجر؟
يالله من فضلك
هذا الصديق ولا بلاش
:Pp~
يزاك الله خير على التذكير
لان الدنيا استخفت ودعت كلها حمره
تصدق؟
كنت بالبحرين حتى شويطر شويطر اللي يبيع حلوى حاط له دببه حمرا!!!
يقولون
مو تقول انا اللي قايل
ان في قصة ثانية لمناسبة الvلنتاين
شرايك فيني وانا اكتبها بالضاد
:)
المهم يقولون ان صاحبنا هذا كان عنده
سهم الدار وكان من عشاق اللون الاخضر
ويقولون ألف كتاب وسماه
الاخضر من خدا حافظ
والاحمر بيا بشم
P:
المراد سهم صاحبنا علق عليه نزول
من 1200
لي
40 فلس
عاد يقولك دق على الدلال
تدري ريال عود ماله شغل
بالاون لاين
وقال حق الدلال
فلها فلها
الدلال قاله ما كو سهم اسمه فانيلا
قاله اقولك بافتلت فلها يا الثور
الدلال سمع ثور صارت الدنيا حمره بويهه
قام يتأتأ نفس جا جا و
فله فنيلا افتلت
وقام يرددها بشكل متواصل
وقام ينتع ويقطع تدري معصب
ومع حمار ويهه وتنتعه
ولا بمرة بوسعد ذو التسعين ربيعا خريفا
قرب يم الدلال بيشوف شفيه
جان يتمغط الدلال نزل بوسعد على
راسه وقاله تشهد ياولدي
الدلال قال
فلها افتلت فانيلا
الرقم السري 142
بوسعد سمعه الله بالخير
مات الدلال
الناس سألوا بوسعد شقال الدلال قبل
لا يموت
نزلت دمعه من خد بوسعد
وقال بصوت متهدج
الدلال يوصيكم ويقولكم
لا تشربون فيمتو بيوم عاشورا
P:
صبحك الله بالخير
هذا الجزء الاول الباب 36
من روايتي الخالدة
جنسيتي قبل يومين عندي واليوم اشوفها
بدربيل
ها مو تقول بعد قصرت معاك
:)
أخي العزيز واللي كله يتحرش بس يسوي نفسه ما يدري... ولد ديرة
أنا لو كنت حتى أشك إنك ما كنت راح تحترم وجهة نظري... جان ما علقت على موضوعك... بس البوست وراعي اليوست قدرهم عالي ومكانتهم غالية عندنا... فيالله راح أتواضع وأرد عليك
تاج راسي... أنا أرد عليك بجم نقطة:
الأول: ياخوي اول شي، شنو الضرر من الإحتفال بيوم او عيد الحب وسمه اللي تبيه؟ الحين عادي واحد يسوي مسلسل راح يضر اكثر مما يفيد، عن الفتنه بين الشيعة والسنة، وما يصير واحد يحتفل ولا حتى يعيش اجواء يوم القديس فالنتاين؟
ثاني شي: اللي يقولون هاليوم (او العيد، اللي اهو) يشجع عالفسق والفجور... أقوله إسمحلي بس غلطان! أول شي إذا واحد متزوج... عيل ماكو خلاف بالقضية، اما العزوبية والمغازلجة وربع رضاع التليفونات تالي الليل، فأبشرك... يوم القديس فالنتاين ما راح يغير شي، اهم مخربينها طول السنة... مو بس بهاليوم!
ثالث شي: الهدف باحتفال بعض المسلمين بالكريسماس والبعض الآخر بعيد الحب يختلف. فالإحتفال بالكريسماس الهدف منه التسامح ومشاركة إخواننا المسيحيين بإعيادهم! وإذا بتقول لي عمرك شفتهم يحتفلون بأعيادنا... بقول لك شغلتين... الاولى برج الإمباير ستيت اللي يشب ليتاته باللون الأخضر كل عيد للسنة الثالثة عالتوالي! بعد مو لازم يضحون ويحجون لانهم ما قلبوا مسلمين، لكن الهدف التسامح مع أعياد الغير.
الشغله الثانية، ٤ من أصدقائي الإيرلنديين اللي زاروا الكويت خلال كريسماس 2007، وعلى فكرة عيد الأضحى سنتها كان قبل الكريسماس بجم يوم، صمموا إلا يقعدون من النوم مبجر علشان يشوفون طقوس العيد عندنا، وطلبوا مني اوديهم الجميعة علشان يشترون علبة حلويات حق اهلي حق العيد! وازيدك من الشعر بيت؟ عطوا عيال اخوي واختي كل واحد عيدية ٥ يورو! بتقول انا أبالغ؟ بقول لك طرشلي إيميلك وأنا اطرشلك الصور أفا عليك. كريس الألماني اللي ساكن معاي ٣ سنين الحين، صام رمضان بشكل كامل لمدة سنتين على التوالي للمشاركة ولأنه محاط بشباب كويتيين. هذه ما اقدر اثبتلك ياها لكني اتمنى إنك تثق فيني مثل ما انا اثق فيك، خاصة إن المسألة مسألة نقاش... مو مسألة تحدي وفوز
أما إحتفال البعض الآخر بعيد الحب، فهو من مبدأ أخذ ما هو جميل من الغرب. ياخي مو لازم ننظر الى كل شي بنظرة دينية، الجامعات والمعاهد التعليمية الغربية تدرس وتعلم أبناءها الكثير عن العلماء والفلاسفة والشخصيات الإسلامية دون التطرق إلى دياناتهم. ولعلمك الخاص، فإحتفال المسيحيين والغرب بعيد الحب ما يآخذ طابع ديني بالمرة، فلا تدق اجراس الكنائس ولا تقام الصلوات على روحه!؟
المسلم لما يحتفل بأعياد المسيحيين ما يترك عقيدته، نفس الشي للبوذي اللي يحتفل بالعيد او اليهودي اللي يحتفل براس السنه الصينية
بعدين سؤال: وانا ما اقصد اطعن في العقيدة الإسلامية لكن حبيت اوضحلك شلون ممكن يكون في تناقض محدود... الحين صيام عاشوراء أخذناه من اليهود لأننا أحق بموسى من اليهود... إنزين والمفروض ما نتشبه بهاليهود! خبصة
بالأخير اتمنى ما تتهمني بالطائفية
لأن انا ولائي الأول والأكبر... للي يدفع أكثر
واسف طولتها عليك
يحلو ستييف الله يعطييه على قد نيته ان شاءالله
الكل مستفييد بهاليوممن ابسط شى الى اكبر شى بييع بييع مو طبيعى ههههههه روح دش البوتيكات يعورك قلبك العاام انا كنت قبل الفالينتاين بيوم فى كارتيير لووووووووول حتى الى تبيع هناك مو مصدقه الى قاعد يصيير
بس عندنا بالكويت هالشى ههههههه
يا حلو التعبير عن الحب و الهديه اذا يا بدون مناسبه ويوم وتاريخ
بس ويين الى يفهم
شلون يعني ما نطلع المدام؟
انت بس قول
ترا الميزانية حالها حال الاقتصاد
هي يوم ومو عيد انا وياك لكن الفرحة بهالبلد صرنا ندورها بالتفق وراضين فيها حتى لو كانت مستورده او تافهة
رايك يا الدكتور الازرق عجني
أشوه انا طول السنه لابسه احمر
;)
يعني انا بكبري فلنتاين(بال ف مو بالv)
;P
اتصدق الاوادم استخفت...حتى يم بيت ريا وسكينه يبيعون فجل احمر
ودام انه الي بالقلب بالقلب على قولتك شنو تبي تهديني
:))))))))))))))))))
سلام
حسين
شلونك حسين الله يسلمك غدانا اليوم كشري بالأرانب...
طبق بوراشد المفضل
:P
ومزينته بفجل
حيااااك تعرف العنوان بعد ما يحتاي
:)
وحشتناااا
:)
كرهونا بالحب من الهلاقه اللى يسوونها
بس هم فرصه حق المحلات يصرفون اى بضاعه طايح حظها عندهم بس بشرط يكون لونها احمر
على قولة نبيل العوضي تبا لهم
انا كل ما اشوف ربعنا مع هالهوالات يذكروني بالمثل الكمبودي
" يا شين السرج على البقر " !!!
يلوعون الجبد ربعنا بهالسوالف
يبيله كتاب " فالنتاين من خيطان و هابي نيو يير من الفروانية "
:p
بالله الواحد وين يلحق
على هدايا هالاعياد
ياخوفي باكر يخلونه عطلة رسمية
شكلك بتهاجر اذا سوها
انا اتفق معاك تماما
كما اصدق على كلام العزيز الغالي العلامة بوراشد ال 36
والله الشباب العازب مثل حلاتي مايدري عن هاليوم و لا عن أحواله
صج القصة و إلا عظة و عبرة
p;
انتو يا الكويتين كل شي تسون منه قصه و تختلفون عليه
ما يمر عليكم شي الا طلعت نظريه الاختلافااااات
اشووله؟
العزيز ولد الديرة
ولو اني ما ودي اقولها بس يا شين السرج على البقر .. وهاليومين البقرة ما تمشي الا بسرج !!!
سألت نفسي ليش ؟؟
لقيت الجواب .. اقلب الصورة
ويوم قلبتها .. شفت البقرة على ظهرها لابسة السرج!!!
تعال فجج عاد !!!!
أقولك روق اعصابك :)
دمت بخير وسلام
ههههههههه
و الله فكرتني بحالنا اللي يبكي ,
الواحد أيام الكلية كان بيحس بـ"قرف" من الحاجات اللي بيشوفها في اليوم ده ,
عالم دماغها فاضية , و منزوعة الهوية !!
الحمد لله الذي عافانا مما ابتلى به غيرنا ,
يا علامتنا الفاضل يعني ما نلبس أحمر؟
مساك الله بالخير اخوي
ياخوي العالم ماتدري شتسوي في عمرها
والله خير ربعنا من طق طبله قال انا قبله ..... وينهم عن عيد الحب ايام السفر.
الله اتخيل داش عليها بدانه لونها وردي
وربطة ديرم لزوم الاحمرار ....
كفو... تقول مذبحة لون بعض المحلات .
قوه ولد الديره
وينك ياخوي
صارلك جم يوم مو مبين
خلصت مواضيعك :P
esTeKaNa
لول
يا شين السرج على شويطر
واياج والإنسانية جمعاء :)
bo rashed
انت مرشحي لجائزة نوبل في نقد الروايات :)
Dr. Blue
شوف يا خوي
شغلتين احبهم فيك
تواضعك، وهالإبرة اللي ما خفت من العراقيين لما دشوا علينا لكن اخاف منها :>
انا اقول لك الضرر من الإحتفال بهاليوم الدايخ من وجهة نظر متواضعة
يا حبيب الملايين عندنا يهالو مثل الشمع المولع مو ناقصين نصير مثل الغرب بالشغلات اللي ما تخفى عليك
مو كل الناس عاقلة وانت شوفة عينك روح محل ورد والا شوكالاطة (طاح حنجي وانا اقولها) وشوف الأعمار اللي تشتري ويا ليت تسالهم من حقه يشترون (طبعا حرية شخصية ادري)
يا حبيب الشعب القاعدة الذهبية هي درء المفاسد مقدم على جلب المصالح ولاتنسى ان الله سبحانه وتعالى اوضح في كتابه الكريم ان حتى الخمر والقمار فيهم ايجابيات لكن ضررهما اكبر من نفعهما
من جانب الإمباير ستيت يا خوي من حقهم، ربع زوارهم مسلمين وينقون مصاري على قولة الرجوب فليش ما يشبون ليتات خضرا وحمرا
يمكن ما وضحت وجهة نظري
انا ما اقول خلنا نغزي باريس وناخذ منهم الورد الأحمر كله
انا بس اتسائل، ليش ما ينقلب السوق كله خرفان صغيرة قب عيد الأضحى؟
ليش ينقلب السوق كله شير تقول جنه غابة من غابات الأمازون بالكريسماس!
ربعك وربعي ما ينلامون اذا صاموا والا حتى زكوا، يا اخي هذي شرعة الله من اوامر مني والا منك مثل ما انت عارف
للمرة الأخيرة، انا مو قصدي اقول حق الغرب غصب عليكم لا تحتفلون
انا اقول حق ربعنا يا شين الورد على البقر اللي يلعنون بو اسلاف الخدم مثلا وتالي يروح والا تروح تهدي ورد، مالت عليهم
يا عزيزي لك التقدير وقول اللي تباه على قولة اهل ام القيوين صدقني ما عمري مسحت والا تضايقت من رد
سبحان الله! هم انا ولائي للي يدفع اكثر :)
charisma
ابشرج، ستيف ناوي يدش كلاسات هبَّان بعد :q
الله يرحم الحال، عندنا فعلا افلاس
كويــتي لايــعه كبــده
بشِّر!
وين رحتوا!
صبا
بعلتي تسلم عليج وتقول لج وين بيتكم :q
Tekana
ثكلتهم امهاتهم
الشرهة على هولندا
mtfa2el
الورد لما استوى آل للخيار يا لوبيا
Enter-Q8
تصدق مو غريبة اذا صار عطلة رسمية!
بروح زبير اذا صار
هذيان
اشكر شعورج تجاه نحوي (مدمن سقوط بالعربي)
shahad
قولي آمين
الله يرزقج بولد الحلال اللي يحبج 265 بالسنة (فلم خيال علمي عندي خبر)
القصة من وحي الخيال الدايخ :)
lawyer
عشيتي البلابل؟ :q
والموت يعشق فجأة مثلي..والموت مثلي لا يحب الإنتظار
زين كرسي ما نبي، على الأقل عصير برتقان لما نكتب النك نمزمز فيه :>
والله صدقتي، هالأيام يبيلنا نصير كاوبويز من كثر البقر
TIMMY !!
فعلا الحمد لله
الأهلاوية فرحانين اوي باليوم الهايف ده
:q
joy
يعتمد!
بوفهد
مساك الله بمثله
لول
مت من الضحك على الديرم :q
Q8i
هلا بالحبيب
وعكة فالنتانية بعيد عنك
انت تبيها تخلص؟
:q
يا ولد الديرة يالأصيل
وصلت فكرتك... وفهمتك هالمرة
لكن... علشان لا أطول عليك هني وأزعجك واخلي البوست كومنت... فراح أرد عليك على شكل بوست متوسط الحجم إلى غائم حزئيا... لكني متأكد 100٪ إنه داح يعجبك
،تدا صيفت علينا بالبوست اليديد
maatshoof shr
bl 3akas meshtagain
l mowa9'ee3k
we miss u
Dr. Blue
زين تسوي
ترى انا متابع بوستاتك ومستمتع فيها جدا لكن ما ابي اكتب اي شيء لما ما تكون عندي اي إضافة
طلب صغير
الله يخليك وخر الإبرة :>
Q8i
الشر ما اييك يا الحبيب
:)
إرسال تعليق