(فاحت الريحة)لم يدر في خلدي في أي يوم من الأيام أن المتشابهات بين لبنان والكويت ستجعل من البلدين توأمين حقيقيين
وقبل أن يفرح الشباب ويستبشر بتلك التوأمة أقول لهم أن حريمنا دام انهم ياكلون محمر ومجبوس لحم فأنسوا امكانية ان تصبح اقدادهن كقد امل حجازي او نانسي عجرم
وقبل أن تفرح الصبايا بالتوأمة اياها اقول لهن أن رياييلنا دام انهم قاعدين بالقهاوي تقول فقمة قاعدة تتشمس على اليال فأنسوا أن اشكالهم ستتحول إلى شكل راغب علامة ووائل فكوري
مخاطر تلك التوأمة تمثلت امامي في خبر القبس (خبرنا في مكبتنا) حول "الوفود" التي جائت لسبع صنايع والبخت ضايع لتثنيه عن قراره عدم الترشح للإنتخابات البرلمانية القادمة
يعني الشامية صارت بكركي!
يرحم امك؟وفود عاد!
وليش مو شايلين يافطات فوق كل وفد علشان نعرف من يا محافظة قدم الوفد منها؟
بعض منتسبي تلك "الوفود" قالوا فض فوهم (لا بوهم) الحكمة التالية:
"هذا مو من حقك ما نخليك تترك كرسي ابوك وعمك"!
هممممم
اخاف قصدكم بيت فرنجية مو الصقر!!
عنبو دراكم انتوا ما تستحون تسمون نفسكم ناخبين!!!
هذا سليب ناخب؟
شنو اللي كرسي ابوه وعمه جليب اهو حافرينه؟
ونشرت الصحيفة "المحايدة" قول أحد المواطنين وهو رافع عقاله:
"قرارك مرفوض مو بكيفك ما تنزل الانتخابات وباجر خيمتك منصوبة سواء قبلت ام رفضت"
يبه هاك 500 دينار جزائري وفكنا من خيمتك وتنكرك خلاص اعتبر حسابك واصل بس عاد لا تخليها ساحة الصمود انت وخيمتك
همسة ارخميديسية لبوعبدالله:
بو عبدالله لا تجمبز
امس ماخذ قرار واليوم بتفكر بعد الوفود
ترى منت مدون :q
اعقلها وتوكل واللي يسلمك انت وباجي ال 49
***
انا شايف هالبدلية اللي لابسه دشداشة بس ما ادري وين!!
انا شايف هالبدلية اللي لابسه دشداشة بس ما ادري وين!!
هذا اكيد وفد الصليبيخات
بعضهم موحد الزي
يا زينهم
***
تم إلقاء القبض على الأخ جيمي هوفا الكويت بتهمة التحريض على السلطات
محامي جيمي، فهاد العجمي يقول عن موكله
"لا يجوز مؤاخذة من يصدر أو يبدي رأيا في محاضرة عامة، القصد منه النقد، وهذا ركن اباحة لا تقوم معه للتهم المسندة الى المحاضر، ولا تقوم له قائمة"
اقول لعنة على ذاك اليوم اللي صدقت فيه وزارة التعليم العالي على شهادات الأردن
الله يعينك يا سيد على هالأيام
***
تهقون سليمان لو ينزل كم صوت يجيب؟
هناك 17 تعليقًا:
كاااااااك
:)
خلك من بوخشم
خابر في مدونة خبتنا بالوحدة الوطنية وتقول هالله هالله بالوحدة الوطنية
اليوم معلقه عند زميلة صارلها فترة بتولد بس الطلق مو راضي يطاوعها
تقول ام الوحدة
ان البدو صارو 82%
من الشعب وتقول لافض فوها انها تخاف باجر اذا انسحب بوخشم وغيره ما يكون
لها من يمثلها وين الحجي عن الوحدة وعدم التفرقة
البدو مو كويتين يعني
يمكن البدو Aliens وانا مش واخد بالي
P:
bo rashed
بشرها
قول لها ان سبع صنايع راجع
تدري وفود وخبة ما يبي يزعل احد
طيب وحبوب ويدش القلوب
الله يوفقه لما يحب ويرضى
انزين
ترى يمدحون الدارسين حق تسريع الولادة
والله اعلم
جيمي هوفا الكويت :)
إنقفوه من عتراه، والبقية بالطريق، ناقصين شغب وعفيسة!
لووول
بو راشد الله يا كثر تقط نقزات
سنة أبي أعرف منو تقصد ضعت
---
و الله المدونين بيقلدون الصقر بالفلم الهندي اللي مسويه
باعتزل .. لا خلاص ماني معتزل .. باعتزل .. لا خلاص عشان الكويت ماني معتزل
AuThoress
انا اقول حق يشوفون اذا هو مزدوج الجنسية بالمرة
شرايج :)
mtfa2el
ليش ما يقضب عباد شمس كبر راسه ويقنزع اوراقها ويقول
بعتزل
ماني معتزل
بعزل
ماني معتزل
بعتزل
ماني متعزل
الخ الخ الخ
وايد ابرك له من وفود وعقل وخيام وتناكر
يا أخي الناس ملت من التمثيل عليها و الوفود المزيفة
و الله ما صارت
كل مرشح يقول الناس أصرت علي وألزمتني؟!!
لمتى هالفلم؟!!
و الله ملينا
***
على طاري الوفود
ما في وفود أصرت على نزولك؟!!
:)
ترا الخيمة عندي بس الله لا يهينك شوف أحد ينصبها
صدقتني ياولد الديرة يوم قلت لك ذيب
شفت الحركة اللي سواها اشلون صعدت اسهمه
مو صايرة موضة اللحين
بو راشد لا باركت بالعدو بطل التعليقات
اما سليمان هذا ودك ينزل و ينجح بس على شرط يكون محمد هايف وياه بالمجلس
ChEMiCaL-ENG
اخاف قاري قصة جمال عبدالناصر قبل لا ينام :)
انا مانع الوفود
اثنين اثنين ميخالف :>
تصدق لو يعطوني عدالي حب شمسي ما انزل الإنتخابات
وش لي بالغثا والجذوب :)
ShLaLaT
هيا
هيا
هيا بنا نلعب :)
Enter-Q8
يحليله
اليوم يقول قراره نهائي
خنشوف بالله
شفت سليمان؟
حالته بالدايرة الخامسة :>
الحين ما تعرف اللى بالصورة منو ؟
هذا عباس الشعبي فراشه بالمجلس ولازق وري السعدون بس حبيب
لوووووووول
لا خلاص قال قرار لا رجعة فيه :p
وباجر بنشوف قرار مسلم عشتوا قال بيعلن قرارة بوقرار السبت و الرجاء احترام خصوصياتي ؟؟
عاد هذا قعد اسبوع يستخير ، و الله بري منهم كلهم و من فعايلهم اللي هامه حلاله و اللي هامته قبيلتة او حزبة ؟
و الكويت لها الله !
اما عن البطل المغوار لول يقولون مجاميعة اوصلت الزلفي :p
بس احلى شي المرشح العدواني اللي قال بييب سيارات و يطوقع المساجد واذا بتمر على جثته عقب سالفة جمي ؟؟
هون يقول يحترم القانون و لجنة الازالة !؟
اتهقى ليش ؟
"هالبدلية اللي لابسه دشداشة"
كااااك
الله يلعن بليسك
الكرسي ما يملكه أحد
الكرسي كرسي الشعب
لكن ما نقدر ننكر تاريخ عائلته في البرلمان واثرهم عليه
الحق ينقال
بو راشد... الله بالخير
اذا حنا مطوفين ليش انت ما تطوف؟
:)
الحكي ببلاش وانا اخوك
انت بس شوف الفعايل... قصدي الفعل
:)
Mishari
لا يكون النك ماله "بو بشير" :q
من طول الغيبات :)
بس
لول
افا
هون العدواني
والله ما ادري
يمكن صار فيه تلبك معوي
يحدون الناس على نظرية السبرنغ غصب
كويــتي لايــعه كبــده
اذكر والدتي من الصغر تردد علي وعلى خواتي واخواني
"ليس الفتى من قال......"
ونعم بأبوه وجد جده
period :)
هالمختارة الجديدة بدها نهاية برونتو
:q
إرسال تعليق