يا جماعة وين الله يوفقنا؟
فتحت الجرايد اليوم وشر البلية ما يضحك، ضحكت من قلب على كم خبر انما ايه
ما ادري شفيهم المرشحين العجمان هالأيام!
خالد عدوه يحذر الحكومة من فتح أبواب لا تستطيع التصدي لها في اشارة إلى فتح ملف مزدوجي الجنسية!
لا تعليق عندي على الأخ خالد لأن "فتح الملفات" فعلا مشكلة
إذا أكرمت الكريم ملكتـه
وإذا أكرمت اللئيم تمردا
محمد عبيد يقول ان الصحابة رضوان الله عليهم اجروا فرعيات قبل العجمان!
وخالد ابن الوليد جم اخذ بالله؟
خلصنا من العجمان طلع لنا حسين القلاف
حسين حذر الاسرة الحاكمة من "خطورة السماح للبعض بالتمادي على أبناء الأسرة كالهجوم على شخص رئيس الحكومة سمو الشيخ ناصر المحمد" مضيفاً ان "على أبناء الأسرة الفزعة لابن عمهم وإصدار بيان دعم وتأييد"
الفزعة لأبن عمهم!!
شقصتكم مع الفزعة انتوا!!!
***
يقال والعهدة على الراوي ان الحكومة بصدد استيراد سلاح سري متطور و فتاك للتصدي للفرعيات
ديرة برس حصلت على صورة حصرية للسلاح وهو في طور النقل إلى الباخرة من ميناء كراتشي
انشر تؤجر
***
على طاري النعل عزكم الله
انا مطلق النعل من يوم كان عمري 12 تقريبا
يومها كان الملك فاروق توه ماسك الحكم وكانت الكنيسة الإنجليكانية تعتبر التدوين رجس من عمل الشيطان
الحاصل
كنت مع البعلة في رحلة تسوق
شفت هالقندرة النسائية
عجبتني
لكن ما يازت حق البعلة
شراي الجنس اللطيف من المدونات؟
***
ولد قحطة بالصين
الله يرحمك يا المفيدي
هناك 38 تعليقًا:
مرشحيننا أنا غسلت إيدي منهم
إنعدم المنطق ياخوي!
اللي يقول الديوانية من ايام قريش
واللي يقول الصحابة كان عندهم فرعيات
يعني شلون تناقشهم بالله عليك؟
أما بالنسبة للسلاح الحكومي اليديد... فجيد! وأنا أدعم هالإجراءات الحكومية الطيبة...
الطرادين اللي حاط صورهم... على جم؟ من زمان انا و جم واحد من الشباب ناوين نقط قطية ونشتري واحد ولا اثنين نحط عليهم بعض اعضاء مجلس الأمة... بدون ماي ولا أكل... بس مجلات بلاي بوي... وقطهم بنص الأطلنطي... وأنا أوريك شلون نظرية دارون صحيحة
عيل ما قمت تلبس النعل عزك الله من أيام ما إستلم الملك فاروق الحكم ها! والله أثريك طلعت يا ولد الديرة!
تعديل...
أثريك طلعت... أثري يا ولد الديرة...
إختبصت علينا الثرايا يا ثرية...
يا شين العيمي لي بغى يصير فيها شاعر!
الغالي ولد الديرة
صباحك عسل
:)
بعرف منين طحت على هالسلاح الخطير
لوووول
فيديو ولد قحطه شايفه قبل هالمره..عجيب...يحليله مجكنم
:)
تقبل مني أجمل التحايا الصباحية...الصباحية مو الرقة
:))))
صباح الخير :)
والله يا ولد الديره طلعت منت هين شلون كشفت السراح الحكومي اليديد؟ هذي مصادر معلومات عروقها بالماي ابد من مجلس الوزراء شكلك مطلعها
بس للامانه خوش سلاح طمنا على اخوانا بالداخليه محد راح يتهجم عليهم هالمره وهالسلاح الفتاك معاهم لوووول
اي والله معاك حق الله يرحم المفيدي ويرحم زمن الفن الجميل
بس الولد عجيب هاهاهاهاها
يعطيك العافيه
أحلى شئ إن أوباما خرج من رحم الفرعيات !!
يا ريت أوباما يطلع من فرعياتنا. مالنا إلا سعد خنفور و خالد طاحوس و الصيفي مبارك الصيفي
استشهاده بالصحابه ذبحني ضحك
D;
أنا رايي من راي البعلة
صباح الفل ياسيدي الكل
يحليلة العدوة نسى سالفت تركيا :p
انا من راي البعلة كلش موحلو و ياحلو الفلات :)
بدون تعليق على السلاح انت ادرى بالحكومة !
القلاف صار له فترة يقلقس علني يعني يبي يقرب للحكم أكثر من التدينيين الاخوان الحين يوم بعدوا شوي. الاخ يعني يسن سياسة بعيدة المدى.
مو خوش نعل وانت بكرامة
قصدي النعل صج مو القلاف وانت بكرامة والا الطاحوس وانت بكرامة
عساك عالقوة وماقصرت
سويت ارشيف عن المواضيع الي يطرحونها
المرشحين على اعتبار المقارنه ونوع الموضوع ... حركات :)
اكتشفت ان الاغلبيه تخاطب الشعب وتترس راسه وتشيشه على الحكومة .. مع اني ماشفت هالارهاب الاعلامي حتى مع دول الضد منهم !
اتهقى الحكومه ليش معطتهم ويه ؟
.....
ياخوي هذه الشحاطة مادري النيديه النسائيه جنها جدور عزايم
عاشورا :) .
السموحه من الطبابيخ :)
عسل ياولدنا .
تصدق!!
السبت اللي طاف شايفة نفس هالطبجة بس على ريا ل!! والله بغيت اكتب عنها بوست!
تدري شذكرني فيه!!
أفلام الرعب قبل... لما اللي يذبح ما تعرفه الا من سيارته او سيكله او ظله لا عدمنا ظله!
أو حذاءه!!!... بس اللي شفته كان
crocodile Dundee:p
السكربينا :)
ر ووووو ع ع ع ع ع ع ة
ما تصلح بيرسونال شوبر!!
ق د ر ات
انزين طاوعتك وين تلاقى جنطة ترهم!!
أتحداك
!!!!!
==
على هالحناااير
هالنعل يبلعونها
جست لايك بيس اوف كيك
:p
القندره
بقمه الأرف
وعادي باجر تدخل الجامعه تشوف كل البنات لابسينها
بناتنا ينوا وقعدوا !!
اما بالنسبه لولد قحطه
لووووووووووووووووول
مستحييييييييي
اذا هالكلام ضحكك شبصير فيك لما تبدي الندوات السنعة يبيلك مساج حق ويهك عقب الانتخابات من الضحك
أما السلاح حده خطير ولا الاسلحة النووية
وصراحة ماعندي تعليق على القندرة ما تنلام البعلة
شعليك
حاطين مدونتك على قناة الوطن بلس
:)
ظبطنا يا ولد الديرة!
حركات وقناة الوطن بلس...
بس إستغربت يوم وصفوا بوستك بالـ "سافر" مادري "سافل"... تعليقاً على موضوع السلاح الحكومي إللى إنت قلت راح يستوردونه...
ولا حطوا صورة السلاح... وقفوا فوقه بشوي :o)
ولله هالفرعيات صارت سالفة وقضية
والي أهم منها قاطينه ورا الشمس !
نصلح نسوي عن ديرتنا فلم ...
بس للأسف طارق العلي البطل !
مادري شفيني عالنغزات هاليومين
لفته جميلة
@@
ويــح قلبــي ..
هذي قندره والا ريـل بقره ؟؟
أكو احد يلبس هيك شي ؟ ;q
اما السلاح اليديد ها بشر وصل والا لا يزال بالطريج ؟؟
Dr. Blue
لول
يا خوي ما ضر بشار بن بُرد اصله من فارس :>
ماكو فايدة
الجمارك ضبطت السلاح وصادرته تقول في زيبق احمر وراح يبيعونه باسواق السعودية مع مكاين الخياطة
يا خوي تصدق صار فيني تغير فسيولوجي لمدة 17 ثانية من شفت هالسكربيل!
شـقـــــران
صباحك مصنوع بإيطاليا بس ماله علاقة بالجلود
خل السلاح صاحي يا رفيق :)
الصباحية والرقة لو بس يشفطون اقل
يسوون فرعيات اقل
يخففون الإعلانات اقل
ترى يصيرون تيس تيس مع نيس و كان
:q
Hashemy
صباح النِور (مالت المدارس اول :> )
يبيلنه درزن اسلحة ويا الله نلحق
تحياتي القلبية :)
حلم
اوباما لو عندنا جان كلش كلش صار رئيس خِدام
لهذا تشوف العالم واقفة طوابير على السفارات الأمريكية ترتجي تأشيرة لرض الأحلام
ليش ما نتقاطع مع سلطات غوانتانامو ونطرش لهم متهمي الفرعيات بدال ما يسكر هالمنتجع الطيب
ARTFUL
ما ادري الوشوشة تأثر على العقل والا شقصته بالضبط
Bloggerista
افا
بس
يبيله ابراهيم تتلسس
افا
حتى انتي :<
كويــتي لايــعه كبــده
و مناإلى ناخبي الأخ
تكرم تكرم :)
بوفهد
هلا بالحبيب
يا خوي الحكومة ابخص
رشيدة بئة
لول
جدور عاشورا شفتها مرة على وانيت بغيت ادعم
على بالي نيزك طاب بالوانيت
اشكرك :)
chandal/danchal!!
مو ما نلام
زهقوا حياتهم من هالتميمة
لا
ولا غير لبس نيدية وانتي بكرامة :)
نحتاج تغيير شوي
المقوع الشرقي
لول
اشوه
على الأقل النتيجة 4/1
ماكو جنطة فعلا
الا جان تحط على جتفها عجل صغير بو 10 كيلو
بس فنتق ترى :)
هذول مال قرص عقيلي مو كيك :>
ShLaLaT
افا
الحين عرفت ان ما عندي ذوق نسائي
ترى ولد قحطة فيه بوهة من سعد بن طفلة لو تثبتين شوي :q
كبرياء انثى
افا
هم انتي بعد وياهم
حطمتوا ثقتي بذوقي :>
لول
يبيله مساج ويه اي والله
حسام بن ضرار
لوول
الله يبارك فيك
شقالوا عاد
Dr. Blue
ولا يهمك
احاجي لك عبدو الطقش
هذا اللي امكيج الممثلاث والممثلين كلهم بس صار فيه عقد نفسية لما شاف تيوبات شيماء علي
انزين خبرني
شقالوا
حجر كريم
تصدقين
كنت احب هالولد
بس مصخها بالخرابيط تالي
شنسوي
ديرة كمثرى
Kuwait
افا
كمان حضرتك
يعني ذوقي وذوق شيماء سبت واحد؟
يا ربييييييي
هذا اللي وصى عليه عزت جعفر الله يرحمه
سلمك الله... تكلموا عن بلوجك لمدة ما تتجاوز 10 ثواني... لأنها كانت جولة سريعه عالمدونات
جان يقول ذاك: أما مدونة الأصالة فإنتقدت بعض المرشحين العجمان وذكرت أقوالهم المنشورة بالصحف مع الرد عليها... (ماني متذكر الباجي بالظبط لكن ما معناه) وتمادى بشكل سافر في نشر خبر يتعلق بإستيراد الحكومة لسلاح جديد يقضي على الفرعيات
وحطوا صورة بلوجك... والحجي... بس ما حطوا الصورة
Dr. Blue
تصدق لو متكلمين عن المدونة 11 ثانية جان رفعت عليهم دعوى بس دام 10 ثواني فلا ضير
همممم
تماديت بشكل سافر؟
شلون بالله بشكل سافر!
عسى ما حطوا عبدالمحسن المهنا
تذكر
مع ريح الهوا مسافر؟
يالله مشكورين على الدعاية ما قصروا
وان عادوا عدنا :>
وييييييييييييييع هذااااااااا جوووووووووووتي
يفشششششششششششششششل
بس قول الصج من ودك تدبق فيييييييييه؟؟
إرسال تعليق