أنا من النوع الذي نادراً ما يحلم في منامه
وربما أحلم ولكن لا أتذكر ذلك الحلم!
ولأن أحلامي نادرة الحدوث، فإني أتذكر بعضها جيداً
صعقت عندما قرأت ذات مرة أن أطول حلم يحلم به الإنسان تكون مدته اقل من الثانية!
خيراً رأيت؟
لا والله مو دايماً
في حديث عن المصطفى صلى الله عليه وعلى آله وصحبه وسلم قوله
"مَن رءاني في المنام فقد رءاني حقًّا فان الشيطان لا يتزيَّ بي"
سبحان الله
يقال أن البنت إذ رأت المصطفى وهو يصافحها فهي من اهله ومن آل بيته!
ما هي علاقة الأحلام بالصدف إذاً؟
كم مرة شعرت بأنك في مكان أو حوار أو وضعية قد مرت عليك سابقاً؟
صدفة؟ أم حلمت بهذا الأمر!
بعد هذا كله
لاشك أن للأكل قبل النوم علاقة كبيرة بالأحلام
يعني انسى تشوف كيم كارداشيان ولا حتى بالأحلام عندما تتعشى عيوش ولحوم
أقصى ما ستحلم بها هي عايشة المرطة الله يرحمها
***
كلاسيك
يبه حلم!
4:10
هناك 24 تعليقًا:
اليوتيوب ما يشتغل عندي،، شحاط؟
ليكون تصدف الحياة ونفس البوست؟؟
خل ارد البيت أتأكد
واخزياه
مشغلتها بروحي بالدار واصفق
زين جذي تسوي بأختك جني مينونه
:pp~
ولد الديرة معقوله الاحلام ثانيه؟
انا مخي يخزن اي شي افكر فيه لابد احلم فيه فاحلامي خربوطيه
بس مرة سمعت ان الحلم او الرؤيه اهي اللي تكون مجرد رموز مثل قصيه سيدنا يوسف والسبع السنين العجاف
مو مثل ربعنا فلم كامل
!!
اما سالفه تكرر المشهد ،مادري بعد مرة قريت ان هذا بالعقل الباطن او ما وراء الحياه ،شنو ما وراء الحياه
ما تسئلنيش
:))
مو حزه لبوست الطبيعي
انا عبالي صار بليل
:PP~
تم حذف التعليق
وبعدين معاك !
:q
ARTFUL
يدتي منيرة تسلم عليك
توصيك وتقول
اشتر من لوازم العايلة تب مقاس وسط ولازم يكون لونه خضر
اترس التب خل ابيض وقط فيه ثوم يبل و بيديان وطماط و كنار اذا تحب
شوح كمبيوترك بالتب مع الخلطة
فوح الخلطة ساعتين ونص
خل الخلطة بالسطح
بعد ثلاث اشهر افتح الخلطة
طلع كمبيوترك
مؤكد الحين راح يشغل اليوتوب
يبه اشتر واحد ثاني خلاص :q
esTeKaNa
ما رواء الحياة هذا جنه برنامج تلفزيوني عتيج مال زهير الكرمي!
سألي الوالد عن زهير :)
والله شقول لج يا وخيتي
ما اوتينا من العلم إلا قليلاً ومستقبلاً
يمكن الواحد فينا يختار حلمه
فضايح :q
esTeKaNa
بالمناسبة
صاجة
مو حزتي
لكن امس نمت :)
اي والله الأخ داقه على العشا ويبي يحلم صح !! شلون بالله فهمني !!
بالنسبة للمواقف الي تصير وجنك شايفها من قبل ... اوووه وايد تصير معاي .. وأتنح اذا شفتها !!
احس اني موطبيعي !!
بس شي حلو تحس انك فاهم بالمستقبل :)
وتحياتي ..
ويسلموااااااااااااااااا :)
أول شي يعطيك العافية ..
ثاني شي امبي امبي والله مرة بغيت احط مثل موضوعك بس قلت اخاف الناس ماتفهم قصدي الحمدلله ، اي والله وايد مواقف تمر اكون شايفتها .. وساعات اقول بيصير جذي ويصير فعلا بما @@ لووول عمرك تكرر الموقف مرتين او ثلاث ... ؟؟ لأن ساعات يتكرر اقول قلنا حلم بس مو ينعاد جم مرة جذي ..
وبصراحة اتمنى احلم اني اصافح الرسول عليه الصلاة والسلام .. يارب يارب
يعطيك الف عافية على الموضوع
deja vu
يعطيك العافية
أنا سمعت ان الجنين واهو ببطن امه يمر عليه شريط حياته
عشان جذي مرات تصير مواقف انحس ان احنا شايفينها من قبل
Q8EL5AIR
عيل شمعنى فيه ناس متنحين بالحاضر والمستقبل!
:q
طموحة مملوحة
المصطفى عليه وعلى آله وصحبه افضل الصلاة والسلام كان لا يصافح النساء!
أظن إذا حلمتي فيه صلى الله عليه وسلم وهو يصافحك معنى هذا انك من آل بيته!
تالي نعطيج خمس شعليج
بن جبلة
All over again
كبرياء انثى
صحيح؟!
عيل Artful اكيد ما اشتغل معاه الفلم :q
ما تطلعلك كيم كارداشيان ؟
شكلك شيّبت P:
الكل فينا يحلم .. لكن منو الي يذكر حلمه .. انا انسااان مستحيل اذكر حلمي .. نادر ونادر جدا
يقولك اذا شفت لقطه بحياتك و حاس انك شايفها من قبل هذا معناته ان الدم وصل لي راسك من الجهه اليمنا قبل اليسرى شغله جذي
سؤال و بقلبي ضحكه مقموته
حلماااااااااااااان في كيم؟؟
;))
ليش ماكو يوتيوب مبين عندي حالي حالهم!!
خنعيد اشوف و ارد
وليييييييييييييين يوتيوب و يوتيووووووووووووب و اخر شي عايشه المرطه
الله يرحمها بسسسسسسس
حط لنا احياااااااء مو اموات
;)
الزبدة شنو لازم ناكل علشان تطلع كيم كارداشيان؟
كويتي
لووووووووووووووووووووووووووووووووووول
لوووووووووووووووووووووووووووووووووووووول
هذا السؤال الي حاولت اصيييغه الف مره بس خفت انفهم غلط
لوووووووووووووووووووووووووووووووووووووووووووووووووووووووووووول
Q80 Blogger
لو كيم تطلعلي جان ما اقوم من النوم :>
lawyer
واذا البني آدم حلم بكيم الدم وين يروح!
ما علينا
:>
lawyer
شنو احط؟
شمس؟
ماكو احد يا ماما :)
كويــتي لايــعه كبــده
ما يبيله
لازم تاكل زبدة :)
إرسال تعليق