***
نعرف لماذا صعد فيصل المسلم و خالد السلطان ومسلم البراك و حسين القلاف في الإنتخابات الأخيرة
ففي الكويت إما أن تكون محسوباً على قبيلة أو تيار وعلى اكتاف تلك القبيلة أو ذاك التيار يصعد المرء
ولكن أن يصعد فيصل دويسان في الدائرة الأولى
ففي ذلك سخف لا يجاريه إلا سخافته في برنامجه المسمى"فيتو"
ما الذي قدمه دويسان لإقناع 9943 ناخبة و ناخب للتصويت له؟
ما الذي قدمه "بُعيد الفاصل" أكثر مما قدمه عاشور و جوهر و عبدالصمد و لاري؟
علمه عند ربي!
هاللإغ بلانت بارماجان طلع مو هيِّن
بس على الله عرف الفرق بين مسلم و الترمذي
***
تُرى ما هي نسبة الأصوات التي ذهبت لها من غير الرشيديات والرشايدة؟
***
هذا اطلق شنب والا بلاش!
هذا اطلق شنب والا بلاش!
هناك 35 تعليقًا:
الله يرضى يالله صباح خير افج عيوني بالمخمه اللي لابسه نظاره؟
:(
صج خرعني
!!
بس صباح الخير
اما فيصل الدويسان فلا تعليق
ما زلت مصدومه !
بالعافيه الإغ بلانت...
مطرح ما يسري يمري :o)
بس الله شهالويه!!!!
الدويسان!!
اممممم يمكن لان عنده شهادة ثانوية من الحسا؟
صباح الخير
يقولون اهالي الدائرة الأولى ان صارت حادثة حزة الظهاري خلت الشباب يصوتون له عناد .
السالفة ان واحد ديّن ملتحي كان سايق جيب دش عرض إبطاولاته اللي جدام المدرسة، كانت الطاولات تابعة للجنة مالته وفيها شباب.. تطشروا الشباب خايفين على عمرهم لا يموتون تحت تاير الجيب. اللي شافوا السالفة قالوا عناد رح نصوت لك ونردها عليه هالملتحي :\
في الدائرة الأولى نسبة المصوتين من السنة قلّت بشكل ملحوظ ما يتعدون 30% فما استبعد انه يحصل على اصوات بدون تعب!
الغريب انه ما طلع بالتلفزيونات ولا في مقابلات .. يمكن مقابلة فيديو وحدة كانت تابعة حق موقع شيعة الكويت.
الدويسان عرف يلعبها صح على ناس عواطفها جياشة و تأثرها بالغ بالافلام الهندية
خالف..تعرف..تنجح بانتخابات 2009
ابحث عن محمود حيدر
فيصل الدويسان..
رسالة الشيعة إلى الشعب بمن تشيع
أعتقد أنه كان دافع كبير لانتخابه
وخصوصا انه حاز على رقم لا بأس به في الانتخابات الماضية
ذكرى..
مو مهم الرقم
يكفي انها قدرت تقنع رجال بدويين وتغير نظرة المجتمع البدوي للمرأة
مثل ما قلت على مدونتي
مع احترامي لإختيار الناخبين
لو الاخ مو مستبصر جان محد درى عنه!
السالفه دعاية و تسويق لا اكثر!
على فكرة: ترى شهادته ثانوي
الله يعين لو دبلوم؟ جان قام يرطن علينا سيرياني يمكن من زود التفلسف!
"ما الذي قدمه دويسان لإقناع 9943 ناخبة و ناخب للتصويت له؟"
تشيع.
أطلق شنب
كااااااااك
ما تلوه أمن الدولة؟
هذا الدويسان تشيع و كافئوه على هالتشيع
و يقولون الربع ما عندهم طائفية
:)))))
اضغطني
:p
إلا صج تهقى يعرف الفرق بين مسلم و الترمذي ولا بس يبي يباهل ؟؟
السلام عليكم
أتوقع إذا فكر يستجوب واحد من الوزراء
راح يطلب طرح الثقة فيه
و إلا
يباهله
؟!!
فيصل دويسان شي لا يصدق و اكذوبه غريبه
شنو يعني يفوز هذا
!!
هل اهو احساس بالنقص
عاد قبل حل المجلس كااااااان يحوس عندنا بالشغل يااااااالهوي
الله يعينا على القثااااا
المشكله انه متبادل ويا الحريتي !!
esTeKaNa
مساج الله بالخير اخيتي
يمكن حتى هو مصدوم لا نظلمه
Dakhtar Blue
يعافيك ويخليك
طبياً
هل ثبت أن البيديان هو آنتي اسيد؟
ARTFUL
ههههههههه
والله يمكن
إمـرأة لا تُنسـى
خلاص
جمالوه العمر من الحين مزهب سكس ويل وراح يخلي واحد لابس عمامة يدرعم بمخيمه
مصوقر عيل :)
حسبي الله على اللي كان السبب
فلم هندي مو راضي يخلص
بن جبلة
الله يهني سعيد بسعيدة
Enter-Q8
عساه خرج ولم يعد!
AseeL
خووووش سبب
عبدالصمد دشتي الله يهديه لو يحف الشنب
يطلق اللحية
يقول قلبت سني
وينزل بالثانية
نهقين ينجح؟
**
انا بسميج اسيل ميكافيلي :)
حسام بن ضرار
يا خوي مو زين البهتان
ترى عضو جميعة الموسيقى ما ادري شنو في باريس
يعني مو عضو جمعية الدسمة
باريس هذي
الباريسية فيهم عن عشر
مجلس الأمة
هذا مصيره!!!!!!!!!!
فرعية - طائفية - قبلية - عائلية
كويــتي لايــعه كبــده
موفق
كويــتي لايــعه كبــده
ابشرك
تلوه امن الدولة
قولبوا فيه يمين شمال
كتوا على ويهه نير
خلصوا شيرة جمعية الرميثية
ماكو فايدة ما طلع معاهم ويه
هدوه!
mtfa2el
رد عليك كيميكال :>
ChEMiCaL-ENG
ههههههههههههه
شلختني :)
lawyer
والله الحريتي الكذبة الكبرى
والا البيديانة ما عليها شرهه :)
اولا مساء الورد عليك وعلى متابعي المدونة.
ثانيا: فيصل الدويسان ابتدع بدعة جديدة عند الشيعة واقام اول مأتم في مقر انتخابي، بمعنى اخر: ضرب عصفورين بحجر واحد.
بس والله ما عرف له الا جورج قرداحي يوم مسح بكرامته الارض قدام اللي يسوى واللي ما يسوى، ثانوية عامة ويتفلسف.
الدويساااااااااان
قمة الإفلاس السياسي
بس أبي أعرف أي لجنه من لجان المجلس راح يمسك ؟؟
صج نسيت مساك الله بالخير ولد الديرة
اول مرور بس من شفت الدويسان أنا خلقه ما اواطنه واهو مذيع فما بالك
حامي حقوق الشعب
لُهَيْمَاني
مساك الله بالورد والريحان
لا زلت اقول الحمد لله والشكر
علامة فارقة في طريق التخلف
عندك رابط حجي قرداحي ؟
مع الشكر :)
maha
هلا فيج
شرفتي
انا اقول يمسك الباب ابرك للجميع
وياخذ معاه المسلم وهايف والقلاف :)
قدم لهم قصه المباهله العجيبه
ومن اليوم ورايح .. ماكو تلويح باستجواب .. بل تلويح بالمباهله
وآخر شي طلع يحمل الثنويه العامه :)
وبالنسبه لذكرى .. قول كم عدد الرشايده الي عطوها !!!!
اكثر اصوات ذكرى يتها من بره القبيله
وفي تغطيه الراي .. اكثر من حضري قال انا حاضر الانتخابات للتصويت لذكرى ومااااشي
السلام عليكم
بصراحه فوز الدويسان الفقر
وسمة عار على اهل الدائرة الأولى
لا شهادة ولا منظق ولا حتى طله :S
بس مثل ماقالو الاخوان الطائفية بالدائرة الاولى فوق كل اعتبار
Q80 Blogger
اي انجاز رهيب
باهلني بالسكة!
المشكلة اني فعلا ما ادري كم صوت من خارج الرشايدة اخذت
اذا اصواتها كلها من الرشايدة كدينا خير
Mariam B.D_Q8
وعليكم السلام ورحمة الله وبركاته
شنقول شنحجي
شرفتي يا اخيتي
إرسال تعليق