"هي حالة عقلية تتميز بوجود نسق منظم من الأفكار الهاذية وسلسلة منطقية من النتائج المستنبطة من مقدمات خاطئة خطأًً مطلقا يؤمن بها الشخص إيمانا مطلقا ولا يمكن زعزعتها أو تعديلها أو التشكيك فيها
من حيث المضمون نجد أن فكرة الإضطهاد والريبه من نوايا الغير وأفعالهم تقوم بدور رئيسي في هذه الحالة
أما من حيث الشك فإن الشخص يستخدم عملية الإسقاط إستخداما متصلا فينسب إلى الغير أفكاره ومشاعره ولا يفتأ في تأويل حركات الآخرين وسكناتهم بما يتفق واعتقاده"
يخرب بيتك يا حجي سيجموند!
صج توصيف!!
ذكرني بالإهزوجة السائدة ثم البائدة
كهربتنا وكهربتكم
كهربتنا كهربت كهربتكم وكهربتكم كهربت كهربتنا
ليش كهربتنا كهربت كهربتكم وليش كهربتكم كهربت كهربتنا؟
اللي يقولها 5 مرات بدون ما يصير بارانويد يصير رئيس مجلس الأمة
***
على الطاري
امس افكر بمفرداتنا اللغوية وكيف تغيرت بسرعة غريبة
يعني
لما كنت عنونو (هذي مفردة بتنقرض)
كنت نسمع مفردات لو اقولها الحين للجيل الحالي سيعتبروني ساحر
كنت اسمع
مُختلى = حمَّام
ششمة + عوينات = نظارة طبية
خنَّة = عطر
بطيخة = فراش بو نفرين
(والله العظيم هذي تسمية)
قص = شاورما
عندكم مفردات سادت ثم بادت؟
هناك 38 تعليقًا:
الغالي ولد الديرة
مساء نور الكهربا
:)
فرويد حته وحده
!
:)
.
.
عندي كم مفردة
أول اذا بغينا نروح الديرة...طبعا من عيد لي عيد أو قبل المدارس لأن بس في هالحالات نروح الديرة :)..كنا نقول
انحدر الديرة
كلمة:انحدر ، حدرنا
اظنها تلاشت
أيضا كلمة
مبطي
لما أقولها أحس علامات تعجب فوق رؤوس من حولي
:)
راس العاير،،،أو راس اللاين...ماعادت تمشي بنوب
:)
أيضا كلمة
مدعاب.....راحة مع الاولين
p:
أممممممم...فيه بس ناسي الحين...مخي مشوش،،اذا تذكرت ارجعلك
:)
ايه ايه،،،تذكرت...كلمة
السكة
الحين اغلب العالم يايقولون شارع يا جاده
!!
سكة أحلى واذرب
ولاتنسى كلمة الحفيز
;)
تقبل مني أجمل التحايا
الليبل
لوووول
حسبي الله على العدو...أنا مايذبحني عندك إلآ الليبل
:))))))
حلاته الرئيس ألتغ!
:p
خل الكلمات الداثرة
تذكر كاسيت السيارة قبل؟؟ حجمه من حجم شريط فيديو صغير!
تبا للأقراص المضغوطة!
إي
كلمة براعه
:)
انقرضت
يا مسا البارانويا:)
تصدق قعدت فتره اطالع صوره هالعين
مممممممم
ترا مو طبيعيه حطو عليها تمرية
اذا ما فاد فكس
واذا ما فاد..مالك الا البومبيا
Pp~
كهربتنا وكهربتكم
في زمن ما صارت:
بطتنا بطت بطن بطتكم تقدر بطتكم تبط بطن بطلتا مثل ما بطتنا بطت بطن بطتكم
pP~
الحين انا اسم الله علي اكتشفت اني مثقفه فهمت كل كلماتك المندثره
واحب كلمة بطيخة
فيها حنان
اشلون الواحد سبحان الله يكون نايم بطيخة
والله الكويتين عليهم حجي من وحي تصوير الخيال بالواقع
:)
كلمات ما عندي
تدري جيل عن جيل يفرق
:Pp~
بيز : الخرجه اللي يمسكون فيها المواعين الحارة
بيزات : فلوس
احدر : انزل
دندرمة : ايس كريم
بيالة : استكانة ( تحياتي لاستكانتنا)
تريك : ليت
برميت : حلاو حار
جادر : شرشف
ميز : طاولة
واخيرا
بحر شويخ = ساحة الارادة !!
أهم شي الغمنده..لووول
لحظة جنه بخاطري اقول جم حجوة:
صوبني=غسليه بصابون
تيبل=طاوله
أده=يعني صار:لا أده الضحى مثلا
بنسل=قلم رصاص
بيت الدري= ادري مو حجوة بس مادري وين راح لووول
كوريدور=هذي مالت يدتي
مير=بمعنى ومن ثم
pP~
شي جميل انك تكون مشروع مشترك لعيوز وشايب وتربى ببيت كبير
تصير مثل حالتي مفتره فيني اله الزمن
عيوز سمول
:Pp~
انا لحقت على المصطلحات المذكوره من احنا عشقناها
بس مصطلحااتك .. لألأ حددددك عتيج P:
مردبان
فرضة
بخّار
ايدام
نقعة
هذول اللي أذكرهم الحين
:)
ولد الديرة خبري إنها بطتنا بطت بطن بطتكم
وأنا حاشتني بارانويا و أنا اكتبها
بضيف بعد على الكلمات :
تجوري = الخزنة
المده= الزولية
الكشكول = الدفتر
تنته = فتحة السيارة
زتك / زتات = بسرعة
لحم مدور = بيرغر
همبه = مانجا
و ترى الجهراويين لما الحين يقولون لحم قص
و الهاف لوري يسمونه الوزه (:
العربانة= وانيت بيك اب
ماي صحة = مياه معدنية
هندية(حتى لو انها فلبينية)= خدامة
اتاري= بي اس بي
اريل= رسيفر
قرقيعان= حفل استقبال
الدوغة= الفروانية
ام لهيمان= علي صباح السالم
عندي استفسار يا ولد الديرة ، ليش بوستاتك ما تطلع لي الا بعد يومين او ثلاث ايام من كتابتها؟؟
ميوا
الله عليك و على كلماتك اللي
شارفت على الاندثار لولا حبايب
قلبي شيابنا و عيايزنا الله يطول بعمرهم :)
اعرف بطيخه و ششمه و خنه :)))
حتى بالاماره اعاند امي العوده و انا صغيره و اقول لها شلون تنامين على بطيخه بعدين الله يقلبج شاذي لووول
و لا اعاند و اناقز ع السرير و اسمع نزلي عن البطيخه لا طيحين :Pp
اممممم و الكلمات اللي في بالي الحين
قش
ليوان
راشدي
امهتمل
البرجه
بحاصه
و في كلمات انقليزيه يقولونها يداني
و انا صغيره ما ادري انها كلمات انقليزيه لما درست و كبرت اكتشفت انهم مثقفيييين و يعرفون انلقش مو هينين ابد مثل :
كيتلي = ابريج الماي
فايل = الملف
بنسل = قلم الرصاص
بين = قلم الحبر
^_*
روشنه= فتحه عميه بالطوفه
كنجية = مخزن معلق لول
برجه = بير في ماي
كتويل = مال اتجاه الهوا ماكو
كنديشن = مكيف
شد بلاده
دجه
ياده = جاده
حديدن سهل
انتيفات
ترى لازلت استخدم هالكلمات لول
محتاجين غنيمة الفهد تساعدنا .. اتهقى مدونة؟:)
السلام عليكم
هذا اللي اذكره حاليا واللي ببالي :
داثر = قديم
ربربه = كلام زايد او خربوطي
محسن ( حسان ) = صالون
والمعلقين مو امخلين شيء ما شاء الله عليهم :)
شـقـــران
هلا بالحبيب
فرويد نفس مرزوق سعيد
تقدر تقول انه صخرة علم النفس :)
كلامك مضبوط
الديرة ينحدر لها والكلمة نستخدمها لما نكون بالشاليه او المخيم ونبي نرجع بيوتنا
مبطي لازلت شخصياً استخدمها بين الفينة والأخرى (شرايك بفينة بس)
السكة استخدمها ولو احد يقول غير "سكة" احرمه من الميراث :>
شـقـــران
لول
ترى مو وايدين اللي يثبتون :)
chandal/danchal!!
سلوى الجساغ
الجساغ
الجسااااااااااااااغ
قاعد اتخيل الألتغ ينادي سلوى وهي ما تدري انه يناديها :>
لول
مو كاسيت :)
قصدج كارترج
اللي يدز ما يرجع
شنو يغث :)
صبا
ههههههههه
اكو اغنية قديمة تقول
امه يا البــــارع
قوية العــــــــين
يبيلها ريــــــلين
واحد عور وواحد زين
esTeKaNa
يا صباح النور
انتي ما عندج كلمات؟
اقول خلف الله علينا بس :)
مصطلح بطيخة عجيب
عمر وهو معاي
فعلا
مصطلح رومانسي جدا
هذا مال مزرعة بالوفرة مو بالبيت :>
I7na 3shagnaha
خوش مصطلحات
ذكرتيني بالبيز
النيدي اللي راح زبير
يسمع
يبيوا البيز
وبين البيز
حطوا البيز
تالي عرف
قال يبوا البيز ودوا البيز واثاري البيز خرجة!
:)
esTeKaNa
طلع الحجي طللللللللللع :>
Q80 Blogger
اقول
هذا وانا خاش شوي منهم :)
حياتي هدف
مدربان انقرض المصطلح صح :)
فرضة الى الآن نستخدمها
بخَّار فما الله انقرض المصطلح
نقعة يستخدم الى الآن
خوش شيء :)
maha
يا بنت الحلال وقتنا مو وقت بط
انا لاحق على الحمَّارة اللي يدورون خبز يابس سألي الأهل عنهم :)
المدة عندنا نقولها للمدة الحصير او النايلون
الزولية هي المصنوعة من الصوف الإيراني وغيره
الدفتر هم غير الكشكول
الأول ربطته غير الثاني والأول دفته رقيقة بينما الثاني لو ينحذف على أحد يشق ويهه ولا الكشكول المتين :>
يعقووبوو
لول
انت اللي منقرض! وينك قاطع :)
تنته كنا نسمي السيارة الكشف الحين صارت فتحة السقف
والهمب ما يبيله
اسم منقا ما نعرفه
لا حصل قص بو خليل بعد خلاص ما بعده قص
قبل ترى ماكو الا لحم ماكو قص دياي :)
لُهَيْمَاني
البوستات تطلع بعد ايام!! والله ما ادري! غريبة!!
خوش مصطلحات
اما ماي الصحة
منتج "صحة" اللبناني اول منتج يدخل الكويت كمياه معدنية و كسح كل شيء كتسمية
نفس الشيء ينطبق على الهنود لأنهم أول من عمل كخدم راحت التسمية حتى على الفلبن صاج :)
حياتي هدف
ميوه صحيح
استخدمها إلى الآن تصدقين
قلب طفله
خوش مصطلحات اللي يخلي كل غالي عندج :)
استانس على مصطلح "مهتمل"
مستخدم جدا عندنا إلى الآن :)
بوتشخيص
السر عندك بالأمان
اظن براقش هي غنيمة الفهد
خوش مصطلحات :)
someone_q8
وعليكم السلام ورحمة الله وبركاته
اي والله ما خلوا شيء ما شاء الله عليهم :)
خوش مصطلحات
يا زين المحِّسن :)
انا لاحق على التحسونة بميتين فلس :q
ردود الشباب تفرّح الحمدلله ان هالكلمات ماراحت
كل الي على بالي قالوه
لكن اكو شي انقرض ( النباطه )
والله ضاق خلقي قبل لا تنرقض نزلوا نباطه
امريكيه بسوق السلاح ( هم منقرض ) بس بايخه تنلبس عالايد ماكان فيها نيشان مضبوط
النيشان هم ممكن اضيفها ؟ :P
==
لهيماني لوول صح الهنديه حتى لو كانت فلبينيه بالنسبه للبوست المتاخر بعد اذن ولد الديره اقول اهي لما تدخل على البلوق مثلا كتبت
WWW.WILDILDEERA.......
جربت تدخل مره ثانيه بس من غير الWWW
والعكس هم يصير :)
violinist_q8
اهم شيء لا ينقرض سوق السلاح
طفولتي قضيتها في هذه الأسواق تصدق
اي والله حسافة على النبابيط
والفخ أم شبك
والصلابة
راحت ذيك الأيام
اهيء اهيء اهيء
لااااا انت رسمي بناديييك خالي
مدري ليش بس ياني احساااس اناديك خالي
اي عندي كلماااات
خشووووقه
ماعووزج
سليحط
قميظه
مدعااب
برنده ((بلكونه))
والاهم من ذلك كله في ديره كامله بهلهااااااا انقرضت واهي الكويت
lawyer
لول
سميني ليش لا
خوش مصطلحات
ولا برنده :)
فعلا الديرة وخذت
إرسال تعليق