(ما فيه من حمدان الساحر؟)
صدقت يا مسلم
صدقت وانت كاذب حتى النخاع
ديرتنا ديرة بطيخ
مو بس جذيه
شعبنا شعب بطيخ اللي ينتخب من هم على شاكلتك
وحكومتنا حكومة بطيخ اللتي ترضخ لمن هم على شاكلتك
و من على شاكلة حسين حريتي الذي في غفلة من الزمن اصبح وزير اوقاف وعدل!
لهذه الدرجة تفجرون في الخصومة !
الا تستحي يا مسلم وانت تتهم وكيل وزارة العدل سلطان بورسلي بتعيين شقيقه فوزي كمدير لإدارة التفتيش بإدارة الخبراء
وسلطان عُيِّن وكيل في العام 2006 بينما تقلد شقيقه مهام عمله كمدير في العام 2001 !
ألم تستحي أيها الأخطل المليق الحريتي وأنت تنهي ندب فوزي بورسلي اقدم خبير في ادارة الخبراء قبل انتهاء مدته وتعين احد ابناء قبيلتك مكانه !
كل هذا لأن الوكيل لا يمرر لكم معاملاتكم الغير قانونية !
سود الله ويوهكم
وحفظ الله الكويت وعيال الكويت من حقدكم وتخلفكم
اما انت يا قنفذ الخالدية
فأنت اتفه من أن يُرَد عليك
هناك 54 تعليقًا:
مقال جريئ.. ورائع.
أستاذ حمام
ملينا
طفحنا
كل واحد عنده قاعدة انتخابية مع شديد احترامي
واكررها مع شديد احترامي للناس السنعة من هالقاعدة الإنتخابية
غالبية هالقاعدة مالها علاقة بالحياة المدنية
لحد يزعل
اغلب افراد قاعدة مسلم والأخطل المليق علاقتهم بالحياة المدنية مثل علاقة اغلب الباكستانيين بمزيل العرق
زيرو
نادا
نييت
زيلج
صفر
ماكو علاقة
بتاتاً
تماماً
ابداً
نهائياً
"محد" على قولة اهل المحرق
ودي اشق هدومي بس المشكلة الدشداشة يديدة
لا و شد بعد
عَنْ علي الشيخ سعد رحمة الله عليه يوم قريت مذكرات سكرتير لجنة اعداد الدستور
حسبي الله ونعم الوكيل
اللي قاهرني هذا قنفذ كومباني راز ويهه يعني يكون مشروع مؤزم!
المشكلة ناخذ الظاهر ..
ننصدم من البـاطن ..
اللي استغربت منه استنفار حسين الحريتي من الموضوع، لأنه كان وزير للعدل ولا اتخذ الإجراءات تجاه الوكيل إن كان مخطئ، يعني السالفة فيها شي، اما مسلم .. اعرف انه يحب هالسوالف والتظاهرات، وفعلاً ديرة بطيخ: لأن فيها استجواب علشان كاميرا، مو علشان بشر.
اما ناجي .. شاد حيله: نعلقك بالمنصة .. شايف الحماد ذبيحة وهو كبر ابوك !
مادرى شلون وصل
ومثل ما تفضلت قبلات لامهاتهم جميعا
اقف في صف سلطان بو رسلي ضد هاللفو هذول
نج نج خل يفتح مستوصف اليرموك بعدين خل يكلمنا عن عوازم ادارة الخبره
وسلطان عُيِّن وكيل في العام 2006 بينما تقلد شقيقه مهام عمله كمدير في العام 2001 !
ألم تستحي أيها الأخطل المليق الحريتي وأنت تنهي ندب فوزي بورسلي اقدم خبير في ادارة الخبراء قبل انتهاء مدته وتعين احد ابناء قبيلتك مكانه !
كل هذا لأن الوكيل لا يمرر لكم معاملاتكم الغير قانونية
بهذي انا اشهد
من عادتي اني اعلق على الموضوع
بس لما اشوف التعليقات المرادفه للموضوع اقول
اللفو هذول كويتيين غصبا عنك يا بن زيدون
اما بالنسبة للموضوع
انا اخذ راس الموضوع اللي لك يا ولد الديرة
و اقول شنو اللي خلى القنفذ و الكذاب و المليق يتكلمون
مو اضراب خبراء العدل
اهني الكلام يا جماعة
بس ابي تعريف اللفو لما يكونون منتشرين بالثالثه و الاولى و الرابعه
مشششششششششكله العبدالهادي ان عباله اهو يشبه علي الراشد
وايد معجب في عمره
الحريتي يوظف خريجي ثالثه ابتدائي ! و خريجين سجووووووون فقط لا غير
فعلااااا بورسلي واقفلهم عظمه في البلعووم
يكفي ان الناس تحترمه و شديد لو بتوسط جان توسط حق بنت اخووووه 4 سنين تبي تصير موثقه ماخلاهااااا
مشكله النظيف يشيلونه
عندك الرميح
عندك النصرلله
كلهم رجال شرفاء مرو على الوزاره
كلوتوهم و جمدوهم و اقالوهم فقط لانهم شرفاء..
كل شي ولا عيال بورسلي
ترا فيني عنصرية وحميه لهم p;
اذا كان الكلام صحيح فهذي مصيبة من واحد يسمي نفسه يدافع عن القانون!!!!
شفيه قنفذ الخالدية؟
تكفون لا تداحرونه لا يزعل،،
ترى الربع اهل اليرموك لاعت جبدوهم كل شوي موقف البنيان بالمستوصف اللي قاعد يبنيه عندهم اذا زعل على احد!
المستوصف صار له 6 سنين، لو بانين مدينة طبية جان خلصت!
وما عن ال200 خبير المعتصمين؟
دخان من غير نار؟
واضح ان هناك شيء
والمسئلة ليست بتأييد مسلم
او تبرأة الحريتي
لب الموضوع مجهول
وأين نجد القدرة على نقاش الموضوع حين يقفز البعض للدفاع عن شخص فقط لأنه من "بو رسلي" (والنعم فيهم) ووصف خبراء العدل ونواب الأمة باللفو!؟ العنصرية تقتل الموضوعية.
نادا ؟؟
طلعت تعرف أسباني
ولغات بعد
اتوقع امس شفت تقريبا 10 نواب فليش التركيز على مسلم !
وبعدين مثل ماقالو الشباب .. الاعتصام كان يشمل 150 خبير أو اكثر
كلهم مشاركين باللعبه مثلا ويبون يمشون قرارات العوازم مثل ماتقولون !!!
وبعدين الي يقولون لفو .. منو اللفو .. الحريتي ؟؟؟؟؟؟
اتوقع صعب يثبتون اهما ولا اهو اللفو
واذا عن مسلم البراك فعيب نحصر كل مواقفه الوطنيه بموقف واحد ونسميه بعدها من اللفو !!!!
اي عصر عايشين احنا !
لووول
حلوة قنفذ الخالدية ..
تصدق ناجي سكت دهراً و نطق كفراً ..
لا يكون مصدق روحه انه بيسوي استجواب ..زين منه تكلم و قال القسم الدستوري
ترى الناس صوتوله لأنه ما يتكلم يبون هالنمونة بالمجلس
طلش فشوش صار موديل النواب الحين يقلدون مسلم البراك !!
بعدين انا من شفت النواب شابين على بورسلي دريت ان الحق معاه ..
As YoU LiKE
الأخطل المليق مطلع قرارات مثل ويهه في يوم استقالته و يوم تعيين صباح الخالد مكانه !
والله وزير عدل !!
على نفس منطق ليش ما رد اكيد مو زين
ليش ما ردوه وزير؟
مناشدة لدواوين الدايرة الثالثة
لا ياكم القنفذ قضبوه الباب قولوا له ما نبي اليوم فوت علينا بعد عشر سنين
براقش
اذا جويهل محصل 3000 صوت
خلاص ما عاد بدري
ابن زيدون
لا ياالغالي
لا يالحبيب
لا نستخدم مثل هالمصطلحات
لفو!
"هيلق" يمكن
بس لفو!!
لا لا والف لا
معاً في حملة "قضبوا ناجي الباب"
Eng_Q8
ما ابي امدح الرجل
ماكو مقارنة بين هالهيلق والرجل
Enter-Q8
انا اعتذر بالنيابة عن اخوي ابن زيدون
لفو مصطلح غير دقيق
هم هيلق
هيلق لأنهم يشتغلون بوزارة "عدل" و عندهم محكمة ادارية اذا حاسين انهم مظلومين من قرار ما
يعني قصدك ايمع لي 200 واحد احتمال كبير يداومون ساعتين باليوم واروح المجلس و يطلعون لي عشر نواب يبون الشارة ويبون الإثارة
وتالي اطلع على حق؟
ديرة البطيخ شلون قايلة :)
صدق مسلم وهو نصااااااااب
بالمناسبة
مصطلح هيلق ماله علاقة بالدواير
يعني فيه هيلق بالدايرة الثانية :)
lawyer
لا نزكي على الله احد لكن
بورسلي "مهنياً" يشرف 105 من اشكال مسلم والأخطل المليق
قالها ديكارت
يا حيف
ARTFUL
قال احد الشعراء
ماشرفت بقومي بل شرفوا بي
وبنفسي فخرت لا بجدودي
سلطان وفوزي يشرفون بورسلي
هذا الصج
حسام بن ضرار
ما فيه الا الغثاثة
"قضبوا ناجي الباب"
انشر تؤجر
ناقصنا هيلق علشان نستعين بخبرات قنافذ!
كويــتي لايــعه كبــده
و ماذا عنهم؟
ماهي مطالبهم هل تعرفها؟
لماذا لم يلجئوا للقنوات "العدلية" (تقول قاعدين في بعبدا)
هل الدولة عاجزة قانونيا لهذه الدرجة حتى يستعان بهيلق المجلس عليها؟
لب الموضوع مكشوف للغاية للمتابع ولا يخفى عليكم شخصيا
come on :)
من يقدر على منافسة عنصرية هؤلاء
واحد بس حاول
بسمارك مال بروسيا
و خاس و مات
يا زميل
انا احسن الظن بك جدا
دعك من البردعة
ناقشني في الإطار الله يخليك
الله اكبر على دولة يطلع فيها 200 واحد لهيلق المجلس ومن ثم يكون معهم حق
اقبضوا من الحين
200 من المواصلات
203 من الشئون
680 من البلدية (خو هذول خلقة بالسكة)
خلاص يا جماعة
صكوا المحاكم
عندكم المجلس
I7na 3shagnaha
لا و عندي غوانات بعد :q
Q80 Blogger
ليش التركيز على مسلم؟
ليش منزل بقفة؟
انا اقول لك ليش
لأنه كبيرهم الذي علمهم السحر
انا عموما ما هموني اللي يسمونهم "خبراء"
انا يهمني اللي يشجع هالأشكال على اتخاذ طرق غير قانونية ضد مسئولينهم فقط لأن هيلق المجلس عندهم ثار مع هالمسئولين
انت اشرح لي لأني فعلا ما اعرف
شنو قانونية تركك للعمل والإعتصام لدى الهيلق بالمقارنة مع ذهابك للمحكمة الإدارية (اللي يفترض انك خبير وتعرفها)؟
وين وصلنا؟
وانت وانا شكو في وكيل يصرف وزارته بشكل ما يعجب الهيلق ومن ثم اذا رحنا ما نلقى "الخبراء" على مكاتبهم
يبون فوط؟
انا اقول لك احنا عايشين بأي عصر
عصر وضحى التخلف اللي سمح فيه من سوى مسلم
هذا هو العصر
وستذكرون ما اقول لكم
mtfa2el
ناجي طرطشلي
هذي علوقته اليديدة
احلى من القنفذ
العبد الهادي
نقدر تصريح نائب رئيس مجلس الوزراء وزير العدل حول إدارة الخبراء و اعتذر منه على ما بدر منيامس و يبقى أخ كبير لنا جميعاً
Enter-Q8
مسيكين خذاه النصب (مو الحماس)
صار ملكي اكثر من الملك
رسى علي البلاك بيري والا على بو سعد؟
بالنسبة لأعتصام الهيلق
و بما اني هيلقي سابق قصدي معتصم سابق من اجل حقوقنا ترى ياخوي المحكمة الادارية باعها طويل طويل طويل
و على ما اظن مطالبهم كانت قديمة فلا ناخذها بذاك الراي و الاعتصام حق مشروع و خصوصا مع الوعود الحكومية اللي تدبل كبدك مع ديوان الخدمة ومستشارينهم قصدي مستشارهم الاوحد
شوف انا قررت ان التوت الاسود الجرئ حسب تسميته بالعربي
لا انت ولا ابو سعد
بعطيه ناجي علشان يدش مدونتك
ههههههههههه
بالمناسبة
ترى مصطلح هيلق ما ينحصر بدايرة
بالنسبة لي مصطلح لسلوك لا لطائفة او جماعة
Enter-Q8
200 واحد ما يقدرون يأثرون على المحكمة الإدارية!
لا يا زميل
هذا باب مو لازم نسده لأنه حق مشروع اي واحد ممكن يتزنقح هناك
لكن براي متواضع
ما يجب ان نشجعه
اكلت يوم اُكل بورسلي
هذا اللي اعرفه وما اتكلم من فراغ
والله فكرة
بس شنو راح يكون معرفه؟
ابي موس حلاقة!
معادي المعجون!!
لي ثار مع الملقط؟
قوه ولد الديره
خلفيتي عن هالموضوع لاتتعدى عنوان قريته بـ جريده فـ مادري شنو الوضع بالـضـبط
لكن شـفيــك ياخووك مـشتط على الآخر
وما في كلمه ما استخدمتها
اذا انت تعتقد الانتقاد جذيه
فـ على الانتقاد السلام
نـطلب من نواب الامه الارتقاء بـ مستوى الـحـديث بالمـجلس
ونستخدم اسلوب نقد جارح لا يرتقي !
ودخلت الاكو والماكو بالموضوع
طول بالك
قـريت الخبر كامل بالراي ، واذا ماكتب صحيح فـ الغلط راكب الحريتي من راسه لـ ساسه ،،، وواضح ان استغل الوضع
وناطرين التوضيع من الحريتي اذا عنده شي
اما مـسلم البراك و ناجي عبدالهادي فـ مادري شنو دخلهم بالموضوع
وهل اهم ضمن مؤامرة ضد وكيل الوزاره !!
او انهم بيوقفون مع الخبراء اللي عندهم مشـكله
واعتقد يا ولد الديره انت خلطت بين موقف الحريتي تجاه وكيل الوزاره
وبين موقف مسلم و عبدالهادي وحطيتهم بقالب واحد انهم ضد الوكيل وبس !!
واخيرا
الموضوع لا يستحق منك كل هالكلمات الجارحه كان بالامكان افضل مما كان
اسمحلي اخوي
جانبك الصواب بالنقد
واخذك الحماس الزايد لوكيل الوزراه
الاصــاله مادامك مشتط لـ هالموضوع عندي جم سؤال انت ماذكرتهم بموضوعك ( دفاع عن وكيل الوزاره بدون توضيح وجهة النظر الاخرى ) :
مــاهي مشاكل العاملين بإدارة الخبرات ؟
وماهي التجاوزات التي يتحدثون انها حدثت بالاداره ؟
وماهي القرارات الاخيره بالوزاره و التي اثارت كل هالضجه ؟
لان هذا اللي قريتهم بالجريده لكن ماذكروا التفاصيل
وعشان نكون على بينه من الموضوع كاملا
سـوري على الرد الرابع بالموضوع
لكن كل ماقريت جريده القى خبر ،،،
مسلم البراك ،، وليد الطبطائي ، جمعان الحربش ، عدنان المطوع ، علي العمير ، ناجي عبدالهادي ، دليهي الهاجري ، محمد هايف ، فلاح الصواغ ، خالد الطاحوس ، أسيل العوضي ،
كل هالاعضاء قريت لهم تصاريح عن مطالب خبراء وزارة العدل ، وعن قـرارت تعيين في فترة حل المـجـلس ! وعن حدوث قرارات فيها تجاوزات على خبراء العدل
والوزير الحماد تعهد شخصيا بـ متابعة الموضوع
لكن بموضوعك ولد الديره انت ركزت على موضوعين على موضوع تعيين شقيق وكيل الوزاره وانه مافيه شي !
وشلخت بـ مسلم و الوشيحي وعبدالهادي
وباقي الـموضوع ما تتطرقت له نهائيا
اخذت جزأيه معينه و طنشت بباقي الموضوع !
ياليت نعرف الموضوع كامل منك
لان من كلامك شكلك ابخص
الحريتي صار على غفله من الزمن !!
منو نقف السوداني الي عايش بفندق غير الحريتي ؟
منو حول وكيل وزارة الأوقاف للنيابه ومعاه الوكله المساعدين غير الحريتي ؟
منو دخل وحزم بعض القيادات الي كانت تلعب بالوزارة بروحه بدون أي عون أو دعم من أي كتله نيابيه مو الحريتي ؟
لا لا انصف وأعدل
الحريتي ماكان على غفله من الزمن موجود
ولكن للأسف لم يعد ليكمل مسيرته ويحيل تجاوزات الأمين العام للوقف الى النيابه
http://www.alaan.cc/pagedetails.asp?nid=34950&cid=47
شنو يقربلك الصرعاوي ؟
ولد الديرة
لا تستعجل بالحكم لأن المشكلة بوزارة العدل كبيرة فعلا !
تكلمت مع ٣ من الخبراء وكلهم أجمعوا على سوء إدارة الوكيل ومشاكله
وعندهم قضية بالمحكمة وكسبوها والحين بالإستئناف
المشكلة إنه الوزير ما هو الشخص القوي اللي يقدر يحل النزاع الحاصل
إصبر شوية وراح يبين الحق من الباطل بعد انقشاع الدخان
تحياتي
Q8i
قوتين
ان شاء الله :)
Q8i
كلاكيت ثاني مرة :)
Q8i
كلاكيت ثالث مرة
وانا اللي مشتط :)
معلش
سيأتيك بالأخبار ما لم تزودُ :)
Q8i
لول
رابع مرة
وهم انا مشتط؟ :)
طول بالك (بستعيرها منك)
بو حامد
هلا بالحبيب
انت تدري وانا ادري ان موضوع عصام البشير هو تصفية حسابات بين السلف والأخوان
ما اتكلم عن شيء ما اعرف عنه
خل فتوحاته بالأوقاف
الموضوع طال عمرك عن العدل
أبــو بنــــدر
:)
اذا تعرف سعود السبيعي الله يخليك قول له للتاريخ خل يكتب مقال عن قرارات الحريتي في شهر 3 و 4
والله شيء عجيب
يعني تصحيح الباطل يصبح باطل والباطل نفسه يصبح حق
قالها مسلم ومسلم كاذب
ديرة بطيخ
شخبارك :)
bo bader
يا عزيزي معلش
الصحابة تقاتلوا
انا ما قلت ان الوكيل منزه
كلام جميل
هذا اللي نبيه
يروحون القضاء
والا يفلون قصر العدل ويبنون قصر ثاني يسمونه قصر مسلم
:)
قوي قوي قوي
مقالك جدن قوي
فعلا ملينا ملييييييينا
مسلم قاااعد يزيد عن حده
عفره
ذبحنا حمدان الساحر
مارديت علي كلامي كلش
يمكن كتبتة 4 ردود
لكن ماعتقد ذكرت كلمه تجرح
شخص او مجموعه بس لاني مختلف معاه
وناطر ردودك على الموضوع
Q8i
صباح الخير
طول بالك معناتها انطر شوي :)
البشير إلي اتخذ قراره طارق سلطان رئيس جمعية إحياء التراث ولا الحريتي؟
والحريتي شنو علاقته بتصفيات بين السلف والإخوان؟
أهو ناقص أصلا مشاكل مع الإخوان ؟
وفعلا الموضوع عن العدل لكن انت تكلمت عن شخص الحريتي وقلت ياي بغفله وإلي ايي بغفله ما يتخذ قرارات مثل هالقرارات
بو حامد
المعذرة توني انتبه للرد
طيب ممكن سؤال
الحريتي هو اللي ما يبي يرجع وزير والا ما بغوه يرد؟
لو تثير هذا الموضوع مره ثانية.. لاثريته
إرسال تعليق