"شوف، احترمنا نحترمك ما تحترمنا ما نحترمك"
حكمة قالها النائب/ مرزوق الغانم في رده المتشنج على النائب/ أحمد السعدون
في اطار مناقشة طلب لجنة الشؤون الخارجية في رسالة الى المجلس تفويضها بدراسة "الحالة بين الكويت والعراق"
اقول لبو علي
وللنائب http://www.amazon.com/
ركدوا شوي
يبقى هذا بو عبدالعزيز
لو ينزل بالبصرة ينجح مو بس بالدائرتين الخامسة والرابعة
انتوا شنو؟
ركدوا ترى اسلوب مسلم البراك ما يصلح لكم
اشوه ان الخال قال انه "لن يسمح بطلب دعوة اي وزير الا بقرار من المجلس"
ولد اختي......
انطم
***
خلف دميثير
سعدون حماد
صالح عاشور
لم أجد كلمات تفيكم حقكم
***
سعيد صالح يقرأ رسالة طلب التفويض
هناك 37 تعليقًا:
ياربي كل مره بيي اعلق على بوست تقطع حبل افكااااااري في الليبل مالك
هههههههههههههههههههههههه
الي صار امس كلش مال امه داااااااعي
ولد الديرة ممكن توضح لنا اكثر شصار البارحه؟؟
:)
قلنا اغسل شراعهم
بس مو تمسح فيهم بالقاع
اما عن الليبل .. تهقى يحلون المشكلة شنغل ومنغل ؟
هههههههههههههههههههههههههههههههههههههههههه
الله يخس ابليسك ضحكتني
لووووووووول
امازووووون بابا شلونكم الله يسلمج الله يآفيج
لا وتخيلت شكل الخرافي يبتها ررررررررررررايت
ضحكتني حبيبي الله يحلَي ايامك ان شالله :)
تقبل مروري
لوووووووووووول
أحلى تعليق على أحداث جلسة أمس
تحياتي
زمن ..
يقولون ثلثين الولد على خاله
أنا أقول الزق أخو البول
جليل الحيا أنا صج شغلات وايد ما تعجبني بالسعدون .. بس يظل بو عبد العزيز و ريال أكبر من أبوه
شلون يحاجيه بهالأسلوب !!؟
لا و علاوي شغل فزعة مع مرزوقكو
يحليلهم عيال جسومي
تبي الصج؟
زين سوى بالسعدون.
مع اني ما اواطن مرزوق خير شر و دم ضروسي عاللي يقلقسون تحته و اللي ينفخون فيه على الطل .... و مع اني مصوت للسعدون، بس ما احب الناس تعاملك يالسعدون جنك مقدس او جنه لا يأتيك الباطل من بين يديك ولا من خلفك.
انت نائب لك ما لمرزوق من حقوق و عليك ما عليه من واجبات.
و على ما قريته في 5 جرايد، ما شفت مرزوق غلط بشي جايد على السعدون عشان كل هالسالفه!
بالمناسبه ،،
شعلاقة امازون. كوم باللي في بالي؟؟؟؟
:)
و يقولون لين الحين اتوصخ على عمرها :p
مساء الورد:
ما شاء الله متى صارت الجلسه هذي؟
ومتى انقلوها ؟-ودا انتابع لجلسات يتثقف يعني-
بصراحه انا ما ادري اشسالفة السعدون والمرزوق
فما اقدر اتكلم عليهم
بس صراحه حزت بخاطري كلمتك
"خلف دميثير
سعدون حماد
صالح عاشور
لم أجد كلمات تفيكم حقكم
"
طبعا ما كان لها داعي ولا كان له داعي تحط الصور.
على اقل القليل تبين ليه !
انت اخ عزيز وغالي بس الكلمه هذي يبيلها توضيح.
تقبل مروري وشكرا
كل صغير يكبر
لقد علقت عقلت
تعقلت
عقل
علق
تعلق
علق
قلع
لقد علقت مرتييييييييييييييين
:pPPppP
احلى شي علي الراشد
كفيت ووفيت
ما أقدر أزيد عليك بحرف
بو عبدالعزيز جبل ما يهزه ريح
===
حسدوا الفتى إذ لم ينالوا سعيه
فالناس أعداء له وخصوم
كضرائر الحسناء قلن لوجهها
حسدا وغيظا إنه لذميم
===
إي والله لن ينالوا سعيك
مساء الخير ولد الديره
ودي احد يفهمني شالسالفه؟
الكل صار هذا اسلوبه؟
محد عنده اسلوب للمناقشه؟
آسفه... بس... الهلاقه طفحت
اختيار الشعب الله لا يبارج فيه من اختيار
,,
تبيهم يقرون وينهم وين الثقافه
طولة لسان عند ويهك
عندي اقترااااح
اشرايك انسوي قاعه يديده حقهم وانسميها قاعة
الكوااااوله
؛)
lawyer
لازم يوزعون مصاصات على الأخوان :)
ARTFUL
ما صار شيء يذكر
بكل ما تعنيه الكلمة :)
As YoU LiKE
لول
مع برسيل مفيش مستحيل :)
لبتلشنا يأجوج و مأجوج
شعبهم ميت يوع وهم كل يوم وترك شابين صعادي !
Hussain
اتقبل مرورك ودفاعك و مواصلاتك بعد :)
اضحك تضحك لك الدنيا ابوي
مـغـاتيــــــــــــر
اهلين وسهلين :)
Blog 3amty
المشكلة مو سهل تطيع الزمان
mtfa2el
انا و ولد القادسية على اللي ضد خالي
حسام بن ضرار
والله مو تنزيه لبو عبدالعزيز
و صحيح هم اعضاء مثل بعض
لكن بينهم الثلاثة
بو عبدالعزيز يسواهم
وجهة نظر شخصية :)
حسام بن ضرار
مو كاسكو؟
:q
امازوني :)
بس
كخي :)
بحار مهموم
يا صباح الأخوة
الله يعز شانك
شدعوه يا خوي انا قصدي اهديهم جواتي عزك الله :)
دميثير ميكافيلي الصليبيخات
سعدون يستظرف على رولا جليل الحيا المليق
عاشور الله يخليك لا تدقني سلف
:)
بن جبلة
اي والله
الله يستر عليهم
lawyer
هم اتنين :)
Enter-Q8
لا ويحجي من دون مايك بعد مو سهل
bo bader
هالقصيدة تخب عليهم ترى
شوف لهم لا فاش كيري والا ابندرادو :)
هوا
صباح الخيرات
والله صدقتي
شهالسيرك الغثيث
صبا
انا اقول نسمي القاعة شط ابطط
هذي لعبة عتيجة كنا نلعبها
تتقسم القاعة الى نصفين
نص حق اللي عندهم سالفة
والنص الثاني حق اللي ما عندهم ما عند يدتي
اللي ما عندهم ما عند يدتي يدخلون للنص التابع للي عندهم سالفة ويحاولون لمس واحد منهم ويطلعون بسرعة
لا انصاد اللي ما عنده ما عند يدتي ينلعن والديه الى ان يقدم استقالته
على الأقل يصير فيه آكشن صجي :)
صباح الخير, صباح الورد والنوير:
اخي الفاضل ولد الديره بعد راسي انت سعدون كان له مقصد من كلامه وعلى ما اظن وانا شفت بس المقطع في اليوتيوب ان سعدون كان يرد على احد اللي تكلمو عن مزدوجين الجنسيه ما ادري منهو وقال انه اتهم الكل بإزدواجية الجنسيه ورد عليه سعدون مبينا انه هذا الشخص اتهم الكل ولو انه كان يقصد شخص معين الا وهو الدكتوره رولا دشتي وبين السبب ,
ما تدري يمكن دار بينهم-(سعدون وهذا الشخص)- كلام بر الجلسه وهذاالشخص جاب طاري رولا وسعدون من صيغت الكلام انه نقل فكرت الشخص, ولو كانت فكرت سعدون لكان سعدون طالب بكشف ازدواجية الجنسيه بنفسه.
شوف معاك حق إذا قلت كان المفروض سعدون ما يجيب اسم الدكتوره رولا عشان يبعد عن نفسه الحرج ولكن بما ان الدكتوره رضت ان تكون عضو في المجلس فما فيه حرج يعني هي ضمن مدار الاعصار في المجلس , ومع ذلك سعدون اظنه حاول يوصل فكره ولكن اوصلها بطريقه خطأ إلى حدٍ ما,وغلط إلى حد ما ايضاً بأنه جاب طاري رولا.
مع ذلك ما كان له داعي الصوره.
ولك مني اجمل التحايا معطره بدهن عود كمبودي:-)
بحار مهموم
يسلم لي راسك يا الحبيب :)
امانة ما شفت الفيديو بس انبطت جبدي من اللي انكتب بالجرايد
يعني احنا نضحك على سالفة اللهجة على سبيل المثال لأننا في النت
لكن الأخ عضو برلمان
عموما طوفها :)
حبيب وغالي نطوفها افا عليك ليه ما نطوفها
هذا رابط المقطع
http://www.youtube.com/watch?v=hPWE3nk27nM
بس على فكره سعدون ما يظحك او شي من هذا القبيل .
وشكراً
إرسال تعليق