اسعد اوقات حياتي تلك التي اقضيها مع صاحبة السعادة، بعلتي العزيزة
اليوم وبعد أن أديت صلاة الظهر، أصطحبتها في جولة بالسيارة في ربوع وطننا العزيز
خو ما ينطلع إلا بعد الظهر حيث الشمس حنانية والعالم كلهم يا بالدوامات أو منحاشين من القيظ
الأخير
المح شيئاً فوق أحد المباني
يا للهول
بريك من اللي قلبك يحبه لولا حزام الأمن جان البعلة اثابها الله متربعة فوق القبق
"شفيك؟" تقول لي مستنكرة
"عسى ما دسنا قطو"
شاهدته يرفرف فوق أحد مقارنا الأمنية
ولكن مقلوب!!!
ليا جليلين الحيا!
انزل الجامة وانادي على احد العاملين الآسيويين اللذان بدآ في رفع علم الوزارة
"أنت شمسوي بالعلم؟" اسأله مستنكراً
رد بقوله
"بابا أنا شنو يسوي، هذا شرطي داخل يقول خلي احمر فوق"
ختمت الحوار اللطيف بقولي
"قول حق شرطيك انت دايخ وأن الأخضر فوق"
قلتها لأكثر من بني آدم وثبتت الوان العلم في مخوخهم
ايهما افضل فنياً؟
هالنادي التايه
وإلا هالنادي البلشة
خلاص
معناته الأخضر فوق والأحمر تحت
تصدقون
اكثر ما تحسفت عليه في حياتي هو عدم وجود لون أصفر في علمنا!
---------------
"اكد مدير عام الهيئة د.صلاح المضحي ان الهيئة العامة للبيئة لن تقبل بأي محاضر صلح مع عشر جهات صناعية في محافظة حولي ثبت تورطها في رمي مخلفات صناعية الى شبكة الصرف الصحي التي صارت مربوطة الى البحر بسبب تعطل محطة التنقية في مشرف رافضاً تحديد اسمائها او اخطائها مكتفيا بالتأكيد على انها ستنال اقصى عقوبة ممكنة."
نعم نعم
كفو والله
يا ربي لك الحمد
الحين بس عرفنا ان المصانع ترمي مخلفاتها الصناعية في شبكة الصرف الصحي
اخاف ما تدري ان البواتري اللي فيها كل سم تنقط بالزبالة عزكم الله
وأكيد ما تدري عن الكم الهائل من البلاستيك والفلين اللي ينقط هناك بعد
صباح الخير
هناك 16 تعليقًا:
السلام عليكم
الله يديم السعادة مع زوجتكم الموقرة
بس صراحة كرهتني بالعلم ياخي ما لقيت إلا العربي تمثل فيه؟؟!!
و يعجبني أسلوب المضحي كأنه يقول محاربكم يا الخايسين
و ياخي الديرة ماشية بفضل الله بس
ولد الديرة اهي وقفت على العلم الله يرحم حالنا وحاله
وبعدين سوري موحابة كلمة بعلتي
تدري من حزب الزوجة العزيزة
ومثلث الرسايكل
هابتلي هبة من قالولي إن العلب البلاستك اللي مكتوب داخل المثلث رقم واحد اهي ممكن اعادة استخدامها
مابقى بوكس بلاستيك ما حذفته بسبة المعلومة عاد شوف الدثره
الشرطي شكله ماحيا علم ولامرة بحياته
عفيه كليه تخرج عساكر عميان
السلام عليكم
اشلونك اخوي ولد الديرة
احنا نحتاج الى مصااانع لعمليات اعادة التصنيع والتدوير بشكل كبير لكن ربعنا يالله هبابهم اشلون يبلعون ويشفطون بدون ما يسوون شيء ينفع
قريت كلمة "أسعد" في بداية موضوعك
واستبشرت بموضوع سعيد بعدين شفت خبر المخلفات و تأكدت إنه ماكو فايدة أخبار الديرة ورانا ورانا..
بالنسبة للعلم ترى مو شي جديد علم مقلوب على الأماكن الرسمية ، صارت عادة ..
وقاموا يدرسونها بالمدارس
بنتي ليلحين ترسم العلم مقلوب وتصر عليه لأن أبلتها معلمتهم إن العلم جذي ، لا ومؤلفة أغنية علشان يتذكرون Grass at the bottom :-)
مشروع الريسايكل حلو
بس اذا تبي يكون ربحي يبيلك زبالة دبل زبالة أمريكا كرمكم الله
لان الشركة اللي تسوي ريسايكل في امريكا خسرانه تبي زبالة مهي محصلة
p;
ناقصه اللون البرتقالي لقلقاني
:p
موضوع السوليد ويست اييبلي الاكتئاب وماحب اتكلم عنه
skip & draw four
:p
تبي تشوف المعاناة
ثلاثه عسكرين قاعد اقنعهم و للحين السالفه تتخطرف بمخي
و عرفت ان منه العوض و عليه العوض
ثلاثه شرطة افراد اقنعهم و اهم لا انزين ابي اوصل لحل معاهم وانا داخل قلبي مو قاعد اسبهم اسب اللي بالكلية
اقولهم اوكي يا جماعة شوفوا الشعار اللي على روسكم
تتوقع شنو الرد
قال انت فاضي
قلت لهم اي و الله انا فاضي اشلون قال احنا مو فاضين توكل على الله توكل
قلت متوكل على الله و عليه العوض فيكم
ChEMiCaL-ENG
وعليكم السلام ورحمة الله وبركاته
لول
ما تنلام
ونعم بالله
ولكن ان الله لا يغير ما بقوم
زهقنا
maha
بالعكس
"بعلة" قمة في الرومانس
تحسين كلمة ترس الحلج :)
احنا وين واعادة التدوير وين
خلج من البلاستيك
هالبلاوي الصناعية وين قاعدة تروح
بس بو مضحي قاعد لهم ان شاء الله
قواه الله
ابوالوليد
لا نظلم الولد
يوم يحيون العلم كان مرضية
someone_q8
وعليكم السلام ورحمة الله وبركاته
بخير عساك فيه ان شاء الله
مو معقول نكون آخر ناس بكل شيء سنع واول ناس بكل شيء مو سنع
يعني محنا مخترعين شيء من عندنا
الله يعين البيئة اللي قضت
مـغـاتيــــــــــــر
شذبحنا غير هالمعلمات والمعلمين اللي ناجحين على الحفة
عسى Grass تاكله مرق شبزي ان شاء الله
مع الراس
الله يحفظ بنيتج من هالشكولات :)
ARTFUL
المفروض يشيلون الدعم من الأندية و جمعيات النفع العام و يحطونه بهالمشاريع البيئية
يبيله نصدر زبالتنا حق امريكا والله فكرة
chandal/danchal!!
شنسوي بعمرنا مع هالمخلفات!
يا معودة كله الا البرتقالي
ما ابلع كاظمة :>
Enter-Q8
لا صاجين
اخاف ال FBI بس
نص حياتهم مرضيات وتزرق
إرسال تعليق