سبحان الذي أسرى بعبده ليلاً من المسجد الحرام إلى المسجد الأقصى
و ما اتعس من يقارن ذاته وقدراته بذات بقدرات رب العالمين
لقاء جميل مع د. صبري الدمرداش
----------------
أردت إستعادة بعض الذكريات العتيقة فلم أجد أفضل من زيارة لصالون الحلاقة الذي كان والدي رحمه الله يأخذني اليه في الأيام الخوالي
مؤكد أن تكلفة الحلاقة آنذاك كان اقل من ربع الدينار وكان الشعر يالله خير مكتكت، اسود لونه يسر الناظرين
وصلت إلى الصالون
نظرة واحدة إلى الحلاق اقنعتني بأنه حفيد من كان يجز شعراتي على قولة اللبنانيين سابقاً
نزعت الغترة والعقال
جلست على الكرسي
الله لا يبارج بالمنظرة الخلفية
شهالتصحر اللي حاشني!!!
وين المكتكت!
وين الأسود!
بقايا شعر تقول ارخبيل
و شهالشيب!
طلبت مكينة رقم واحد
تقدر تقولون جرأة
العادة رقم اثنين بس الليلة بعتها
اخاف اكو فرق بس
المهم
بنص الحلاقة جان يتبرع بخدمات اضافية
"اذا في مشكل في ركبة، في راس ترى فيه حجامة"
والله يبه زين
باجر بيفتح فرع بنك دم!
خلصت التحسونة
الله اكبر
تحسونتي اللي كانت تاخذ ساعة الا ربع طولت 8 دقايق!
قررت وأنا البس الغترة العودة بعد عشر سنوات إن كتب الله لي عمر
الظاهر بذاك اليوم ما راح يستعمل مكينة
ملقط كافي
هناك 17 تعليقًا:
ما شالله كلكم كانت شعوركم مكتكتة !
مرافعة الوالد قايمة على انه السبب الأول الزواج
:P
عجبتني سالفة الملقاط
اللهم لاشماته
ههههههههههه
ملقاط ولا شيرة
:)
السلام عليكم
ياخي أيام الطفولة أيام الشعر الطويل اللي تتلعب به نسمات الهواء
انتهى بالنسبة لي للآسف
و بدأ عصر التصحر على بكير على قولة اللبنانيين
كل من الغترة حسبي الله عليه، ما لقوا غيرها لبس رسمي؟؟
تصدق انا بادي شعري يحت و الصلع بادي يغزوني
لوول
أكو زيت ولا شي خروع ما خروع ينفع حق هالسوالف ؟
هذا الدمرداش اللي يقول اذا سرنا من الارض الى القمر بسرعة الضوء و وضعنا تلسكوب بإتجاه الارض سنشاهد احداث غزو بدر حية امامنا مباشره!؟!؟!
الله يخلف عليه و على عقله ...
ترى عنده من الخزعبلات و الخرافات الصوفية و الخريط الفكري ما الله به عليم ..
لووووول من العبدلي لين الوفرة
يالمجرم
:))))
ذبحتني من الضحك
الغالي ولد الديرة متابعك من اول بوست برمضان لكن هالبوست ذبحني من الضحك وماقدرت ما اعلق
لوول
حبيب
:)
لك مني تجمل التحايا وارقّها
ما قرقعت؟
كنت بتهور نفسك و اقول مكينه على اللحظة الاخيرة
لكن قلت لأ
خلني استمتع باللحظات الاخيرة
Nora ..
والله وبالله كان مكتكت
عندي عكوس تثبت :>
اما الآن
راسي فيه من شوي من اطلال بعلبك
ابوالوليد
هاليومين ودي اجرب بيالة نير :q
ChEMiCaL-ENG
وعليكم السلام ورحمة الله وبركاته
اي والله
يبيلنا تغيير
بس تدري
الحين الغترة رحمة والا جان ضيم وظلايم
mtfa2el
مرة بالصمان واحد قال لي ان لحسة الراس من بعير خسران بالبورصة وفيه سكر وضغط ومتخرج بالفلبين تسوي بلاوي
للأسف قال بعير
هو لو قايل ثور عزك الله جان هانت
mtfa2el
بالمناسبة
عظم الله اجرك
يالله انظر للجانب المشرق
الحين ما تتعب باختيار شامبو
اي حاجة فيها رغوة تفي بالغرض حيث لا يخشى المتسبح من الصلع لأنه طريج ماشي فيه :>
حسام بن ضرار
والله شرهتك على اللي متابعه
ذاك اليوم بالصدفة والله شفته مع محمد العوضي
عجبني بذيك الحلقة
شلون يعني نشوف غزوة بدر لا رجعنا غري!
قوية
شـقــران
هلا بالحبيب
:)
ترى قصة حقيقة بس تحولت إلى شيء ما شفتوه مع هالمنظرة الخلفية
الحكومة يبيلها حجامة هاليومين
كويــتي لايــعه كبــده
تصدق كرهت القرقيعان من شفت اليهال ايمعون القرقيعان بجياس جمعية!!
وين جياس اول اللي يخيطونهم اهلنا من باجي الخام اللي بالبيت
وين قواطي السيفتي (حليب مال اول)
مشتهي اسمع يسوق الحمار والا ما يسوق
الحين الفلبينية ترافج اليهال
Fee girgeeaan Siiiiiiiiiiir
Enter-Q8
لحظات الوداع
اصعب اللحظات
بصيلة بصيلة تموت وتسقط بالبانيو
اللي يعرف وداد الكواري الله يخليكم يقول لها تراسلني
عندي لها ملحمة درامية حق رمضان الياي
"سقوط بكلة"
إرسال تعليق