ما بغت إلا عمرها منظمة الأونكتاد UNCTAD
المنظمة اللي مقرها في جنيف نشرت ضمن تقرير لها أن الهئية العامة للإستثمار في الكويت خسرت 41% من قيمة محافظها نظراً للأزمة المالية العالمية
يعني بالعربي نزلت قيمتها مو بوايد، بس بمبلغ 94 مليار دولار!
الأخ العضو المنتدب "بالهيعة" الأستاذ/ عثمان العيسى يبي توضيح من المنظمة وإعادة نظر بعد في التقرير لأنه تضمن معلومات مغلوطة على حد زعمه
طيب استاذ/ عثمان ليش ما انت تتكرم و توضح للعالم أجمع موقف الهيئة المالي؟
للأمانة تصفحت في القسم الصحفي للهيئة العامة للإستثمار فما وجدت إلا خبرين كلاهما عن خطابين لمدير الهيئة وأحدثهما تم نشره قبل 6 اشهر تقريباً!
ليش تخشون على العالم وتالي تزعلون إذا أحد نشر معلومات مغلوطة؟
-------------------
-------------------
هناك 8 تعليقات:
آآآآآآآآآآآآآآآه يا أم الأزرق خذت قلبي
p;
الله يهداك مكدر نفسك ومكدرني معاك علشان 94 مليار
صج ما عندك سالفة
p;
ARTFUL
فيها انوثة طاغية مع هالجتوف اللي تقول جتوف عجل
والله صج ما عندي سالفة
خو كلها 9400 مليون دولار بس
فدوة
خوفك يطلع لك عبداللطيف و يقولك
بستين داهية هالفلوس اهم شي الحريات
Enter-Q8
أو البغدادي يقول بلعنة الفلوس أهم شيء حصص الموسيقى
تصدق هاليومين ما ادري شفيني حاس بقمتة جنها قمتة ثاني يوم الغزو
الغالي ولد الديرة
صباح الفنجال والدله
:)
الليبل هو السر
لوول
أظنه مايدري إن المليار ألف مليون
على قول سعيد صالح:فيه حاجه غلط
!!
لك مني أجمل تحايا الصباح
انا ما أفتهم بالأمور اللي تتعدى 1500 دينار..
شـقــران
هلا بالحبيب
مساك الله بالخير والنوير
هقوتي ما يدري قلت ذكر فإن الذكرى تنفع المؤمنين
الحين الأمم المتحدة صارت كخ وما تعرف واحنا اللي نعرف كل شيء
القسم الصحفي مصيبة
والله عيب قسم صحفي اجدد خبر فيه من شهر ابريل !!!
هذي الهيئة اللي ذبحونا فيها!
تحياتي القلبية :)
نون النساء
اغبطك :)
إرسال تعليق