كنت قد كتبت موضوع عن الأخ أعلاه في شهر يونيو (يعني شهر 6 عن التفكير الزايد) من السنة الجارية
وكيف أن رشيدة تعشق منطق "صخلة الفريج ما تحب إلا التيس الغريب"
الآن، نشرت القبس اكتشافاً بليرياً خطيراً
سي بلير اكتشف ان الخدمات الطبية في بلادنا "متخلفة"!
الله ينور عليك ويرزقك في كل تقرير ملايين من الجنيهات الإسترلينية يا قادر يا كريم
ارحمنا يا رئيس اوروبا المرتقب
ترى كل اكتشاف اكبر من الثاني و بصراحة يوم عن يوم تفاجئنا بديرتنا
مزرعة اسرة طبية خلف احد المستشفيات
----------------
أحمدي نجاد
من اسرة يهودية!
طيب! وبعدين؟
بصراحة ما ارتاح لا من هالقيفة ولا من جمهوريته بس الإفلاس الغربي مصيبة اكبر من الإفلاس الفارسي
واللي العن منهم الإفلاس العربي
-----------------
هناك 18 تعليقًا:
يعني الحين نجاد ميرزا ولا حاخام؟!
ما عرفنا
الظاهر
ميرخام
عندي سؤالين عن موضوع بلير . الأول : ما علاقة بلير بأوضاعنا التعليمية والصحية؟ يعني هو متطوع ومهتم لله ؟ وإلا أنه تم تكليفه من قبل حكومتنا الرشيدة مقابل أجر مادي وبدال القعدة البطالية بعد تقاعده من رئاسة وزراء بلاده؟
إذا كان متطوع إشمعنى إحنا حاط علينا؟ وإذا كان بأجر مادي فلماذا لم يُكلف من هو أكثر ضلوعاً ومعرفة وأقرب للمشهد المحلي من أمثال علمائنا وأكاديميينا المحترمين ؟ والا بس شاطرين بالتنظير والظهور على الفضائيات وهات يا كلام وثرثرة دون فعل أو تطبيق !
المشكلة ليست في تشخيص خلل التعليم والصحة فالكل يعرفه ، ولكن المصيبة في أن لا أحد يملك القرار السياسي لتفعيل الحلول .
والله يهني بلير وأمثاله بميزانية البحوث اللي ما لها داعي فكلنا يعرف البير وغطاه .
ولد ديرتي شخبارك
ولهنا عليك وينك
:)
معروف في ايران انه من اصول يهوديه
بس ابوه اسلم وغيروا الكنيه
اتهقه يخلونه يكمل النووي
مثل اسرائيل ...
؛)
وبلير ما ياب شي يديد
اشيبي؟؟
وين رحت بالعيد
:)
الباش كاتب بلير مجرد عبدالمأمور
اجابة على سؤالك اختار اجابة رقم خمسة: الياهل اللي يركب سيكل حاب القاع بس الظاهر المكينة والاكزوز ماركة هارلي ديفيدسون... يتسلط كل ليلة من عقب التسع يفتر بالفريج... عفية أهل مقضبينه الموتر بهالحزة!... يكرم صهيون عنهم!
يعنك..ما يدرون شنوالبلاوي وشلون يحلون الخلل
مادري الخلال
خلال بطبق
;P
..
مزوء ..بالاختيار
كثر منه
:)
ولكم ولكم ولدنا جد جد اشتقنا :)
بلير هذا ما عنده شغل افتر صوووبنا
وليش تهين محمد عبده وحاطه جنب النجاسة ااهه النجادي
حسام بن ضرار
تصدق ضعنا
اليهود حولنا وحوالينا الشر برة وبعيد
عين الصقر
والله خبري انه مكلف من قبل رشيدة والا مو فاضي لنا ولبلاوينا
لكن تعجبني بطرحك السهل الممتنع
كل هالسنين وطلع ما عندنا خبراء ولا مسئولين لدرجة اننا نحتاج لطوني بلير يعلمنا ان اوضاعنا سيئة ونحتاج لتعديلها بشكل عاجل!
ام بلير داعية له و
قالت روح يا بلير يا ولد بو بلير ان شاء الله تمسك رئاسة الوزراء و تلحق جورج بوش وين ما يروح ويقطك على صخر وتالي تسوي دراسات حق الكويت تعلمهم فيها ان ديرتهم بتروح ملح
الحمد لله والشكر
شرفت و يا مرحب
صبا
اهلين وسهلين ومرحبتين
توله عليج العافية
والله شوفي هالمسرحية راح تنتهي قريب
يا سابورجيان يصير نفس القذافي ويفصخ بروحه
والا يصير نفس صديم ويفصخونه غصب
رحت اصفهان :q
chandal/danchal!!
بس والله بلير سِبع واكتشافاته مو هينة
باجر يكتشف ان محطة مشرف صار فيها اشكال
لول
طلعوا له بملاس هالطفل الأنبوب
من عمر احب السياكل بس عمري ما فهمت نظام سياكل العازة اللي ينسمع صوتهم من على بعد 5 ميل بحري
الشرهة على اخ مصدر امني وربعه
المقوع الشرقي
وانا اشوف غثا بلير الا الحبيب بو نورة بالتلفزيون يصدح بالإغنية قلت ما يبيله :)
joy
اهلين وسهلين
ازيك
اشتاقت لج العافية ولمن يعز عليج
كلش ولا سابورجيان ترى ما ارضى عليه :)
السلام عليكم
من افشل الامور في الخطط الاستراتيجية انك اتيييب واحد من بره الديرة وخصوصا الاجنبي يقعد يحط لك رؤية للأوضاع المحلية ومدام هالخبيييير من عيال بطن انجلترا :) عيل ابشر بالمفاجآت اليومية الدايخه :))
ونجاد مأخوذ خير وشره لان كلامه اكثر من مدة رئاسته اللي طافت واليايه
كلام يا عمي
ما زال توني بلير بأنتظار موافقة قناة العدالة لأدارة برنامج اللوبي .
لا لوم على توني بلير
اللوم على اللي يدفع ملايين مقابل كلام يسمعه كل يوم ببلاش ويصد عنه
someone_q8
وعليكم السلام ورحمة الله وبركاته
كلامك صحيح
اظن اذا كان ولا بد من شخص براني يحلل بلاوينا فأنا اقترح يكون بنغالي الجنسية لأن المافيا البنغالية ما خلت شيء الا ودشت فيه
بشوف آخرتها مع هالنجاد
ABC
his voice arrived
:q
كويــتي لايــعه كبــده
مو يحبون التيس الغريب
تيس ويحجي عنقريزي بعد مو بس غريب
إرسال تعليق