لأول مرة في حياتي البلوغية انزل موضوع بدون صور!
لا أعرف سبباً وراء عدم تمكني من انزال صور في موضوعي هذا سوى رقابة وزارة المواصلات!
لول
حسافة تو الناس على ابريل
------------
عقد مجلس الوزراء مؤخراً في المالديف جلسة تحت الماء لمدة نصف ساعة جلس خلالها الوزراء على طاولة وتواصلوا مع رئيسهم بالكتابة على لوح أبيض أو بالاشارة وناقشوا الآثار الناجمة عن تغيير المناخ وانعكاسات ذلك على مستقبل المالديف!
تخيلوا شكل مجلسنا لو يجتمع لمناقشة الآثار الناجمة عن كارثة محطة مشرف
راح يجتمع تحت شنو بالضبط!!!
------------------
صار لي مدة احلم بأحلام عجيبة غريبة!
من صغري وانا احلامي بالقطارة يعني حلم في كل سنة كبيسة
هذا ملخص لأحلامي مؤخراً
- حلمان اني قاعد احاول البس كرفته لمدة 7 ساعات وعقب لبستها بالمقلوب
- حلمان اني متزوج بيونسيه و كيم كارداشيان (لحد يعلم البعلة الله يستر عليكم)
- حلمان ان احد كافخني بطلقة من مسدس والمشكلة اللي كافخني الـْتغ وكل التغ مر علي بحياتي مو صاحي
!
-------------------
شنو قصة الأستاذ/ هيثم بودي؟
توني اثبت انه مسمي نفسه "الأديب"
شدعوه نجيب محفوظ الله يسلمك
عيل بعد مسلسلين ثلاثة جائزة نوبل بتييك ركض
احلى شيء ان المسلسل "ملحمة"
هناك 24 تعليقًا:
لا اليوم انت مو مضبوط يا صاحبي
منو
بونسيه
منو
هيثم بودي
منو انت
منو انا
شسالفة
اي حلم حلم
السلام عليكم
الاحلام كلها خير ماكو شيء يكدر @@
لكن تفسيرها واحد للأسف وهو لاطبنا ولا غدا الشر مكانك راااااوح
LOOOOOOOl
حسبي الله على ابليسك
أجتماعهم
:))
رفيجتى خاقه أقولها شفيج (أهي بمشرف قطعة خمسة)
تقولك ما يذوقون الزاد من الريحة
أنحشرو..لا وقاطعين الكيبل لا تلفون ولا نت
تقدر تقول معتقل
:)
حلومك ..عجيبة..عقلك الباطن معتفس
P;
انت خل هيثم بودي على جنب!
سمعت برواية المنتظر؟
ما بقى مجله او جريده او قناة ما حطوا دعايتها فيها
يعني غصب تشترون روايتي و تبصمون اني اديب و روائي!
ما اقول إلا مالت على الفلوس و الدعاية و الاعلان اللي غصب طلعوا لنا روائيين ابعد ما يكونون عن الابداع الروائي و همهم الدعاية دون المضمون.
حتى آنا ما اقدر انزل صور
لدرجة اني افكر اني اودي اغير من البلوجر لمستضيف ثاني...
ليجتمعون تحت المسنتقع اللي فسادهم صنعه
كيم كارداشيان!؟
لا تخربها ونخربها وياك
اجتماع مجلس وزرائنا راح يكون على مستوى القعده
هذا اذا اجتمعوا علشان مشرف ...
خبري فيهم اجتمعواللتنسيق
لافشال طلب الجلسه الخاصة لمناقشة كارثة مشرف ...
مو معالجة النتايج ...المترتبه من الكارثه ...
وعالجوها بكل سهوله ...
حولوا المجاري للبحر ...
لا والبر المقابل لام الهيمان ...
كانه ام الهيمان ( ضاحية على صباح السالم ) ناقصة تلوث ...
إذا كنت تستخدم Explorer غيّرة واستخدم Firefox وتنزل الصور عادي
:)
زين حلمت بشي أنا مادري ليش ما أحلم أبد وإن حلمت وهذا بالأحلام بعد
حلمت ببريعصي ولا بتبولة :)
شكو مادري
الاجتماع يازلي شفت صورهم
لو حنا بنسويه يبيلنا لياسن غوص تعال اضحك وانت تشوف الوزاراء ياخذون ليسن غوص
D;
الظاهر ان الي كاتب عنهم بالبوست الي طاف صكوك وحده
والله اعلم
تفسير الحلم الأول :
أكو شي قاعد تعابل فيه من زمان واهو مو شي مهم لكن لابد منه بس مو راضي يضبط معاك بوتيتاً
الثاني : اضغاث احلام ومانحن بتأويل الأحلام بعالمين.
الثالث : هذي قرادتك كمواطن كويتي.
وبس
Enter-Q8
حلم يبه حلم :q
someone_q8
وعليكم السلام ورحمة الله وبركاته
تخيل لو عودة المهنا الله يرحمها بدال بيونسيه و ام زايد الله يرحمها بدال كيم
قمة الكدر :>
المقوع الشرقي
اجتماع زي الز.
الزلابية
اسف صار فيني بو فهاق :>
حسام بن ضرار
تصدق ما سمعت فيها!!
سويت بحث غوغلستاني والا ماكو موقع والا منتدى ما فيه موضوع عن الأخ المضف
يبيلنا رواية يا خوي خلنا ندش التاريخ من اضيج ابوابه
على فكرة هي عن المهدي والا ناطر شنو بالضبط؟ لا يكون ناطر بيتزا!
المتفائل
مشكل
شنو اقتراحاتك نورنا
كويــتي لايــعه كبــده
لا يبه لا يجتمعون بذاك المستنقع اخاف يصير انفجار انشطاري يساوي قنبلتين هيروشيما وناغازاكي ، خيسة وفساد خليط مروح
شوف الوضع عندي كالتالي
كيم و شوجي لا يقاومون
المتفائل
اي مو تدري خليجنا واحد
المفروض نصدر تلوث لأشقائنا في مجلس التعاون بصراحة
رشيدة مو ناقصها خيسة
حياتي هدف مو عبث
لول
فعلا شكو البريعصي بالتبولة
المفروض البريعصي يقابله عصيدة على الأكثر
يعني تنصحين بذيب النار؟
ARTFUL
اكو بدلة حق المكرشين؟
Eng_Q8
ما يبيله
يا مال هالعين البط
نون النساء
الله يخليج الله يخليج الله يخليج
ابي تفسير الحلم الثاني :q
لا وضعك مو خوش بدون صور
مشرف يا بعد شبدي يا مشرف
الحمدالله الحلم جزا لا يتجزا من حياتي .. من مستوى الكرفته المقلوبة ! اشلون النفسية عقب الحلم؟
اشتهيت اقرا حق هيثم بدي بس عشان أكون بالصورة
p;
shahad
سكتي اكتئبت
مشرف الله يرحمها كانت منطقة زينة
بين الحفريات وبين الصيانة راحت لحاها
عندي احساس اذا قريتي مجلة سمير راح تستفيدن اكثر من قراءة مستر بو دج
إرسال تعليق