كل ما سمعت فيصل عبدالله رحمه الله تذكرت عبق كويت الستينيات والسبعينيات
عندي كم سؤال
ليش كل شيء تردى بالعالم إلا الهواتف النقالة صارت احسن ؟
وليش الواسطة تلعب دور حتى بأغاني فيصل عبدالله بإختيار أم الأزرق الفاتح كفتاة رئيسية من دون الأخريات ؟
وليش التصوير والهوا تارس ؟
و من (من المدونين دون المدونات) ما وده يحط راسه مع البنات بالدقيقة 1:24 ؟
و شحقة المذيعات الحين مو تكانة مثل هدى المهتدي ودولت شوقي ؟
و شلون فيصل عبدالله يشوف بالليل وعدسات نظارته لونها بني غامق ؟
و شيبي بو زلف اللي عبر الشاشة في الدقيقة 3:56 ؟
و شوله المخرج في الدقيقة 4:17 لاحق فيصل عبدالله بالكشاف مع ان واضح جدا ان المطرب يا انحصر يا زعل من راعي العود لأنه ما فج عن صفا جوه ؟
هناك 18 تعليقًا:
يا الشيبه يا ولد الديره لووول
الستينات هاا ؟ النص الاول والا الثاني
خنشوف منو اكبر .
عدسات فيصل من النوع اللي يقلب
لونها ويا النور ، علشان جذي قالبه
من الكشافات...
مادري العدسات هذي ليلحين تنباع؟
خبري فيها عند حسن.
السلام عليكم
اعترض و المعلقين ما يحطون رأسهم؟؟!!!
عاضـه
لول
بالنصف الثاني كنت اتتن :q
اذكر هالعدسات نسميها توماتيك على الشمس
بس انا هقيت عدساته لونها بني شد بلادها :)
ChEMiCaL-ENG
وعليكم السلام ورحمة الله وبركاته
سِبِعْ :)
انا لو كل شيء ودي اسويه سويته، جان رحت ورى الشمس مبطي :q
الله يعطيك طولة العمر ياخوي
انت اكبر مني بس مو وايد ترى ...
متقاربين بالعمر .
و النص الاول اذكر كنت اشتري زقاير قريفن
حق الوالد من التكان و كان سعر الباكيت 40 فلس
و الخبزه الايرانيه ب 5 فلوس .
حبيب ولد الديره .
كل هالاسئلة تستحق استجواب وزير الاعلام
دور لك نائب يتبنى القضية
سؤالى اليتيم
النقط شنو ترسهم ؟؟
:)
ياااا الشااااااايب
اول شي قبل ما اجاوب اسالتك
لفت نظري شي بملفك الشخصي
الوظيفه: صباغ
لوووووووووووول
والله مت ضحك
ما علينا
نرجع لاسئلتك الحين
يعني مستخصر فينا تليفونات زينه؟
ترى ع قولتك كل شي تردى
يعني تبيها اسود باسود والا كيف؟
الحين انا عندي سؤال
منو فبصل العبد الله؟
يمكن ما اعرفه لاني ما اسمع اغاني
بس اقصد يعني هومطرب يديد والاجديم
شو يعني يحط راسه مع البنات؟
وليش يحط راسه مع البنات؟
شو السالفه شو مستوي
انا مب فاهمه شي ع فكره!
انا اقول تجاوبني ع اسالتي بالاول
عقب ممكن يكون في احتماليه اني
اجاوبك على اسالتك اللي ما فهمتها!
ع فكره ترى انا ما شفت الفيديو :)
هههه الاغنيه موووو صج والتصوير قتااااال. وشلة الانس اللي مسوين سمره مختلطه عالبحر. صج بالسبعينات جذي كان الوضع؟. وناسه ولله :p. ومذيعات قبل قاصين علينا جنهم ناظرات مدارس ليما طلعت نرفانا ادريس حسنت الوضع شوي. :p. وهذي الحسناء اللي ترقص مو ام الازرق لا الثانيه صج عندها واسطه كل تطلع باغاني قبل .... قرقت وايد جني :)
ههههههه
داشه اعلق والا اقرا تعليقاتكم انت وعاضه ...ضحكت يازينكم مواليد الستينات
:)
ونااااسه يابختكم جان زين انا من ايامكم ...ركاده , وسنع
؛)
كله كوم وسيجاير قريفن
الحين منو الشيبه انت ولا ولد الديره
:)))
لازم نوثق
:P
ها اشقلتو
؛)
هلااااا صبا
لووول
ارجوج عاد عن الفضايح
ييت عند ولد الديره و يرني بالحجي خلاني
اعترف لوووول .انا داش على جم وحده مدونه
و قايلها انا بالعشرينات . و الحين توهقت
ماني عارف اشلون امسح التعليق مالي
خوفج تيي وتطيح علي جذبتي
لووووووول
صبوي سمعي هالسالفه
من 10 سنين ، في دوريه صوب بيتنا
مرات تسكر الشارع عن الزحمه ، جان اقول
حق الشرطي و كان عمره 19 تقريبا يا ابن
الحلال طوفني ترا كا بيتنا ليش تخليني اطق
لفه لين الجسر . جان يقوللي تدري اشلون
حجي علشان الشيبات اللي بويهك طوف طوف
لووووووول ابن الذين حرني ، و من يومها و آنا ساعتي
مفتره عكس لووول و هذي اول مره بحياتي اسمع واحد يقولي انت شايب
تعقدت و ما قمت اروح الشارع اللي توقف فيه الدوريه.
لوووووووول
بس ترى ولد الديره ليلحين ما اعترف بس اهو اكبر سناً
حسب المعطيات .
و قريفن جنه انقطع و آنا اسميه بو قطوه
يوم كنت اشتريه.
والله الواسطة لاعبة دور بالمغني والاغنية اللي اتييب الماحي والمحاحة بنفس ذات اللحظة!
عاضـه
زقاير بو قطو :>
تذكر 555 :q
براقش
محد فاضي لي من النواب
وعلى النقط
عن الإحراج :q
اقصوصه
شسوي انا ما احب الوظائف الحكومية فقلت اجرب العمل الحر :>
فيصل عبدالله من جيل مطربي الستينيات
شوفي الفيديو رجاءا وعطيني رأيك بدون شخبطة :q
Tekana
كويت الستينيات والسبعينيات عجيبة
اظن الكثير من الناس صارت فيهم لوثة عقلية
من الحجارة (بالجيم المخففة) إلى التحرر ون واي تكت
الفيديو عجيب ما امل منه
امس سمعت الإغنية عشرين مرة :>
صبا
انا واقف على طعش سنه
chandal/danchal!!
لاااااااااااااااااااااا
ام الأزرق كيفج
بو زلف مال الدقيقة 3:56 هم كيفج
المخرج اللي سوا بالعالم استغماتيزم بلعنة
بس فيصل عبدالله!
حرام عليج :)
لوووووول
ولد الديره و الله ذكرتني فيه
كانوا الهنود طايحيله فيه .
انزين اشرايك بزقاير ورق البمبر
اللي ينلف بخيص لووول تذكره!!
كنت اشوف الاوتجي يحط الزقاره
بين الخنصر و البنصر و يسوي
ايده مثل البكس و يشفط من فوق لوووول
خو الذين اشلون يتحمل مادري ، جربتها
مره شقت صدري شق .:q
إرسال تعليق