اضحكني تصريح سفير فارس المنشور في صحف اليوم
سفير جمهوري اسلامي يرد على تصريح وزير خارجيتنا "رافضاً وصف مشكلة الجرف القاري بأنها شوكة في خاصرة العلاقات الثنائية، معلناً استعداد بلاده لاجراء محادثات بشأنها"
الله!
يا معالي وزيرنا، اثرى كل هالوقت ما اجرينا محادثات
عيل طول هالمدة وحنا نستهلك بستك وعنجكك وفي احسن الأحوال نستورد الزعفران الطيب
ما ترد عليه!
ليتك تصير جاحظي ومتعصب لو مرة وحدة
هناك 14 تعليقًا:
كل هالوقت و بس كلام ؟
يا اخي الفرس مالهم امان مو شي يديد عليهم ... بس ان شاء الله اليوم وزيرنا بيرد رد بحنيور وزير خارجيتهم و كل حكومتهم :)
بس ان شاء الله ما ينزعجون عدنان و عاشور و ربعهم اذا ردوا حكومتنا هذا طبعا اذا ردوا
تمس اهلي امي ابوي ما يخالف
بس
الجاحظ
لااااااااااااااا
بس مشكلتك يا بومحمد انك متعصب و متزمت
p;
يا عمي ايون الديرة ويهددونا
تبي احد يسكته
تبي احد يخنقه
ماكو
قلناها الخوف عدو المرجلة
والله يبا زين سفير يرد على وزير خارجية
هذي وين صارت؟؟
غير عندنا
الجرف القاري شكلها مو شوكه الا طبر
إلا سؤال شنو الجرف القاري؟ وهل له علاقة بالعجز الاكتواري؟؟
على طاري الشوكة بالخاصرة عيل شتسمي أحتلال الشقيقة الكبرى لميناء الزور ورفضها لبناء الكويت للمصفاة الرابعة على أراضيها ؟
يا تا ئفي !
: )
اخت اشليويح
من عشر سنين وانا اقول نحتاج انيب غلام علشان يصير وكيل مساعد بمجلس الوزراء وكل جلسة يذكرهم بحكمته الشهيرة
"مو بالكِلام"
شلون ما ينزعجون!
ARTFUL
لا وما شفت رد فعلي على السموئل بعد
أبو الدســتور
لعيونك راح اهديك بوست على واقعة حقيقية 100% تثبت ان كل وفد فارسي يصل للبلاد يكون فيه استخبارات
q8 4ever
الجرف القاري ببساطة هو تعريف قانوني لمنطقة قاع البحر المواجهة لشواطئ اي بلد وتعتبر ملكاً له
PALL
هلا بالحبيب
ان شاء الله لما تعرف تاريخك ككويتي وتعرف الإتفاقيات الموقعة بين بلدك والسعودية وحدود الإتفاقيات ومعناها
عقب هذا ان شاء الله راجعني اخبرك عن سالفة الزور وسالفة المحطة
بعطيك معيليمة بديهية صغيرة
مو ذنب السعودية اذا احنا ما نلتزم ولا ننفذ بنود الإتفاقيات
بسكم تركيز على فارس شوفوا ديرتكم اول :)
صج مسرحية حامي الديار كنز متجدد !
ما تمل منها ، والبركة بحكومتنا اللي للحين ما استوعبت درس هالمسرحية وغيرها مثل ( حرم سعادة الوزير )
تحياتي
bo bader
هلا بالغالي
يا خوي صار اللي بيحكي بالوائع منافئ
ممكن تنورنا يا الحبيب بمعلوماتك الموثقة عن هذه الأتفاقية ومدى دستوريتها ؟
PALL
هلا بالطيب
و تلومون اوبرا لما تقول عنكم شعب كسول :)
يعني ما تعرف عنها شيء؟
عيل شنو موقع هالسطرين اللي قلتهم فوق
بس
من نقول فارس تقول السعودية :)
قال طلقها وخذ اختها قال الله يلعن الثنتين
من شهرين انا قايل لك ترى القص واللزق ما يوكل خبز مسمسم
إرسال تعليق