اسفت لرؤية الأحداث الإرهابية الأخيرة في مدينة مومبي الهندية
واسفت أكثر لأن المسلمين راح يصيرون مطقاقة كالعادة من وراء مثل هذه "الغزوات"
ما لفت نظري هو رسالة احد المحتجزات او المحتجزين الكويتيين في فندق اوبروي الهندي
يا بابا هم احنا محتجزين بديرتنا
محتجزين بدون لا خط ساخن ولا حتى دويفي يا يبه
محتجزين بديرة صار اكبر انجاز لها هو انشاء الأفنيوز
محتجزين بدون ارهابيين من الخارج
يبه لا تردون قعدوا شوي ترى ما راح يتغير عليكم الوضع اذا رجعتوا!
***
يقول لك هذا محل ملابس بتركيا لكن شنو عجيب!!
(ملحوظة: حرف C باللغة التركية الحديثة ينطق مثل حرف الجيم بالعربية والشعار يعني حرف T فعن اساءة الظن)
هناك 16 تعليقًا:
صباح الخير ..
أنا مو محتجزة !
أنت ليش محتجز ؟
:)
اعرف احد المحتجزات بحكم النسب!
اهلهم بحاله
وحاللتهم ما تسر
البارحة كسرو خاطري الله يعينهم يارب
كلهم حريم حتى ما معاهم ريال
:(
حتى الهند بنخاف منها
انا قايله بر مشرف و اقطع
انا قاعده بمحض ارادتى
:q
ومحل الملابس لا تعليق
لووووووول
كلش كلش ما قريته انا غلظ
لوووووووووووووووووووووووووول
حياتي هدف
انا محتجز لأني اذا تحجيت عن اللي في بالي اصير طائفي
انا محتجز لأني مع بعض الرقابة على الكتب بس اذا جريدة الجريدة تمنع نشر مقالات تصير هي زينة وما يطلع منها الا الزين
انا محتجز لأني مدزوز
كافي والا ازيد؟ :)
esTeKaNa
عسى الله يردهم بالسلامة
شيء محزن وللأسف اول من سيأكلها المسلمون كالعادة
عند الهنود هذه الحوادث تساوي 11 سبتمبر عند الأمريكان
ما تطلع مرايلهم الا على المدنيين للأسف
براقش
الهند هندك لا قل ما عندك
ادري فيج كلش كلش :>
صير طائفي شالمشكله !
خل يمنعون مقاله وحدة .. وغيرهم يمنع كتب شالمشكله ؟
مدرزو من منو أحمد الفهد !
إذا اي خلك مدزوز :p
سبحان الله
الواحد بمثل هالمواقف يعرف حكمة الشرع من وجوب السفر مع محرم
الله يعلم الخوف اللي عايشين فيه الحريم اللي ما معاهم محارم
و الله يفك عوقهم
شكل الحادثه آخرتها بيقطونها براس ربع جامو و كشمير
صباح الخير
بس طائفيين و طبقيين بعد :(
الله ارحم بعباده هسى ربي يفج عوقهم ويردهم سالمين حق اهاليهم .
واحنا طول عمرنا مطقاقة الله يعين و الله يرحم حال المسلمين اللي هناك .
ودامك ضحكت اسبوع على الصوره عسى دوم دوم هالضحكة :)
مدزوز من منو علمني :p
يالبـــارع
بس فرجت اليوم يوصلون الكويت بالسلامة إنشاءالله
الله يعينهم ويرجعهم بالسلامه
والمسلمين الله يعينهم على نفسهم
لوووووووووول
امبي لا تعليق على الصورة بس والله مانتبهت الا منك كيفك عاد لووول
المهم انا محتجزة الفكر ياخوي .. كل ماتحجيت قالوا سكتي :(
شكلي بهاجر بس مو مومبي :P
حياتي هدف
ابد ماكو مشكلة :)
حسام بن ضرار
الغريب ان اسم الجماعة اللي تبنت هالجرائم "مجاهدين ديكان" و ديكان هذي هي هضبة تمتد من وسط الى جنوب الهند فبصراحة ماني عارف شنو هالسالفة
عموماً، الهنود عندهم اعداء اليهد مو بس "بعض" الكشميريين، عندهم في الشرق والغرب والجنوب
اما المحرم، يا عمي خلها على الله
بس
الله يسلمج
بس رجاءاً مو فئوي
والله اللي دزني ما شفته تصدقين!
Enter-Q8
لول
حدك قديم :)
shahad
حياهم الله
على جم الشاتوش؟
كويــتي لايــعه كبــده
خنشوف آخرتها
alsaronah
علينا :q
مالج الا تهاجرين بوكيت بتايلند
لووول أنا شكو
خدامة جارتنا اختها كانت جرسونة بالأوبروي ماتت
اسكنها الله فسيح جناته :(
احنا بعدنا ما متنا
لا زلنا احياء نرزق
shahad
شدعوة :)
معلومات عامة
ميرامار
الله يرحم الجميع برحمته
فعلاً
إرسال تعليق