لا أعلم كيف شطح خيالي قبل قليل وانا افكر في وضعي لو كنت أنا من ضمن المحتجزين في فندقي التاج واوبروي في مومبي
كيف سأتصرف؟
هل ستكون عندي كمية اضافية من العلج البصري، رفيقي الدائم اثناء السفر؟
هل البعلة ستكون معي؟ وإذا كانت الإجابة بنعم، هل ستقزرها علي في معاينة ما اشترته من السوق وسؤالي عن رأيي في تلك الشالات الكشميرية؟
ماذا لو رأيت احد الإرهابيين الهنود؟ هل سأصرخ عليه بنزر الكفيل:
"بابو... تعال... جيب كلاشينكوف مال انته بعدين سوي غسيل سيارة"
فيأتيني طائعاً منكسراً بقوله "فدًًّل بابا.."
مشكل وازد كبير
***
منهي اللي منورة الصورة بهالروج الراقي؟
***
الله يلوع جبودكم
حتى المصور منخش عند النوخذة
يا سلام عليك يا بو نورة
0:53
هالة سرحان
مو مال كرسوع عالراس؟
هناك 17 تعليقًا:
الحمدلله على ردتهم بالسلامة
بس وايد خبونه
اشدعوة هالاستقبال ؟؟
هذا علج مر مو بصري :)
بس انا للحين مو متخيله اللي صار
أحس فيلم هندي ..
والحمدلله على ردو الكويت واهم بخير
لا القبس كاتبين
" تظاهرة تعكس وحدة الصف "
لوووول وحدة الصف ..شكو !! كويتيات و الهنود اللي طلعوهم مو انتوا ..كل اللي سويتوه استقبال و طيارة خاصة
صارت وحدة صف و الكويتيين صفاً واحداً
ربعنا يحبون الأفلام !!
مسكين الفضالة ما لقاله وحدة صف تطلعه من ايران الله يفرج عنه
بالنسبه لك و لبعلتك
اتوقع انك تحوس بينهم تدور لك طباخ سنع يتكلم انجليزى
و صبى حق الشاليه
و جان التحلطم على ريحتهم ما صار
بعدين لا يكون صج كانوا مهددين
لووووول
ان صار لك هالموقف
انا اقول لك شلون تتفاوض معاهم
ترانى خبره
:)
هاله سرحان شى شى
لازم نعطيها جنسيه
اعمال جليله
:q
الحمد لله لا لغيره على سلامة أهلنا الكويتيين من الهند
لكن تغطية تلفزيون التقلقس عفوا الكويت تييب اليهد. اللي ما يذكر الشيوخ من نفسه هم يذكرونه. ماني خابر ناصر المحمد حاط رشاش خمسين على المايباخ ودزه لهم!
"فوتو اوب" واستغلوها لكن مو بهالطريقة المشينه.
صدقت يا mtfa2el
حسين الفضالة وينه من اهتمامهم!؟
لي هدوه الايرانيين من نفسهم ان شاء الله بس بيسوون له استقبال وهلّيله.
الحيا انتها
براقش...
هاله سرحان ولا ابراهيم رزق بوعيده
0:53 لووول ناقصها صَولَجانين واتدش سيرك
شنو يعني كرسوع؟ خوخه؟
اتعب عالفيديو كليب البدائي
ولد الديرة لو انت ضمن الرهائن تتوقع المدونات بتسوي حملة
(حتى يرجع ولد الديرة)
ولا تتوقع طناش ؟؟
الحمدالله على سلامتهم
أنا رايحة عبالي كلنا عشرين على بعضنا و إلا العايلة الكريمة من أولها لما أخرها موجودة
و في ناس يايين مادري ليش! بس يالله المهم متيمعين على شي شي زين مو شين
و ام الروج على قولتك سببتلي أزمة بحياتي مصدر إزعاج غير طبيعي بس منو إهيا و إشيايبها مادري
طبعا هذا كلة بصوب و لما وصلني مسج إني مرتزة بالقنوات بصوب
اللي إغنون واي زووووووووووووول و عبده شكلة طلع عرج هالة اللي خاشتة من فترة
انا عجبتني سالفة الهندي بو كلاشنكوف
بس شنو كرسوع؟
الكرسوع هو طرف الزند الناتئ في الرسغ (المفصل ما بين الساعد والكف) من جهة الخنصر
:)
وفى مقوله اخرى
الكرسوع كوع اليد
اى نسيت
تحليلى كان
الكرسوع
هو الجمع بين الكرسى و الكوع
يعنى الطقه مؤلمه و تكاد تكون قاتله
:)
اولا الحمدلله على رجعة كل كويتي الى ارضه
لكن اللي صار مبالغ فيه حيل حيل
كل اللي كانوا بالفندق بالاجماع قالوا ان محد تعرض لهم
لكن السؤال اللي يطري ببالي و اتمنى عليه الاجابة
شكو بانكوك مع ان ما فيها احتجاز مرتهنيين و لا تفجيرات
و على فكرة ترى اللي انحجزوا بالهند كانوا يقدرون يردون على طيارة الكويتية عادي مع الركاب و الدليل اهلهم اللي راحو لهم
يعني بانكوك و الهند حادثتين مختلفين تماما
لكن هل يرتقون الى احداث لبنان كان تتذكرون معاي شنو هول هالاحداث بالمقارنة مع هالحدثين
و الا السالفه تلميع شعبي لرئيس الوزراء
اللي الله لو يفكة من بخضور و شلته كان بخير و تخف الانتقادات عنه
عثماني
السبب الكلاسيكي، "ماكو شغل"
حياتي هدف
لول
هو بالفعل كان فيلم هندي بس قلب على رعب
mtfa2el
الفضالة بيدزون له دوبة ان شاء الله
هيضت المواجع يا اِبن عمي
براقش
كلش كلش اخلي ارهابي يسوي لنا برياني
تستاهل هالة، بو عيدة بس على انثى
كويــتي لايــعه كبــده
انا من زمان قايل التلفزيون حرام فيه هالفولتين الكهربا اللي يضيعهم
لازم نتحاطط ونأجر لنا قوات خاصة تروح ايران تطلع الفضالة غصب على بني فارس
Soul
لول
الكرسوع هو نتاج ثناي اصابع اليد على شكل المخلب بحيث يطلع الخنصر (اطول صبع باليد) بشكل بارز ويضرب راس شخص ما
حركة مليقة بشكل لا يوصف :q
ابوالوليد
اتوقع طناش
وفي نواحي معينة من الدولة، راح يتم توزيع فيمتو احتفاءاً بغيبتي :>
shahad
من صجج!
ام الروج هذي عضوة الحزب الجمهوري عن ولاية الروضة، د. غنيمة الحيدر
بحسب الإستفتاء، هي من يقف وراء هجمات مومبي :>
Bavaud
هلا حجي
شرفت
تقدم ذكره :)
براقش
عفية عليج
لكن تقدم ذكر الحركة اعلاه :>
Enter-Q8
يا خوي الطيارة مكربنة ويبيلها خط، بس هذي السالفة :>
لول ايي لها اسم ثاني خوخه, مثلا اتقول (أعطيك خوخه على راسك)!! وعادة اتكون الضربه عاليبهه! صح حدها مليقه واتعور الوالد ساعات ايطيح فينا كراسيع على بو غشمره ودلع :/
لوول
Soul
معلومة يديدة هالإسم!
الله يحفظ لكم ابيكم
انا مأذي عيالي اذية العالمين :)
مشكور ويخليلك عيالك ان شالله :)
إرسال تعليق