خلصنا من سوازيلاند يتنا ليسوتو
مملكة داخل جنوب افريقيا
يعني مالها حدود غير جنوب افريقيا
المَخْلَص انا ارض جبلية لا عندها ميناء ولا عندها ما عند جدتي
أهم منتجاتها القمح والذرة والسرغوم وتربية الأبقار والماعز والأغنام
عاد ما ادري إذا عندهم شلقم والا لا
نرجع للسرغوم
من ثلاثين سنة وانا سامع من جدي الله يغمد روحه الينة ان الكويتيين كانوا قبل النفط مغرمين بالسرغوم
سبحان الله قعدوا الناس صبيحة ذات يوم غائم والا ماكو سرغوم
حلفت ناس عروقها بالماي انهم راح يردون السرغوم للديرة ولو بعد حين
اشوف الجرايد اليوم والا اثرى صايرة مباحثات امس تناولت العلاقات الثنائية بينن وبينهم وسبل تعزيزها وتنميتها في مختلف المجالات وتوسيع اطر التعاون بين الجانبين بما يخدم مصالحنا المشتركة واهم القضايا ذات الاهتمام المشترك
دمعت عيني
ذكرت جدي وذكرت الأشاوس اللي حلفوا انهم يردون السرغوم المفقود
تالي وكما ان احد لاكني راشدي وقعدني من الغفلة
تسائلت
شنو السرغوم؟
هناك 18 تعليقًا:
للحين ما عرفنا شنهو السرغوم !
بس الظاهر وايد مهم مدام مسوين مباحثات ثنائية علشانه مع ليسوتو .
تحياتي
LOL
واضحة من اول صورة
water/proof UGGS
جيدة حق القمبار في بحر جليعة الشائك!
السرغوم : الذرة الرفيعة
(Sorghum Bicdor)
محصول غذائي يأكله الملايين في أفريقيا. تطحن بذور السرغوم وتحول إلى طحين
أو
مثل ما قالت اختنا الغالية جندل
UGGS BS WATERPROOF
و ينتقاله
HUNTERS
p;
صبحك الله بالخير
*****************
والله توني اتحلطم مع رفيجي عن المقابلة العظيمه اللي راح تفتح ابواب التطور ووالانفتاح والانسكاح وخاصه لما يردون السرغوم عساني ما افقده
p;
الله يستر وما نصير نفس سيرغوم
http://unitedcats.wordpress.com/2006/10/04/new-middle-east-map/
بس إحنا الحمدلله أحسن على الاقل عندنا مينا
عدل كلام اختي العزيزة النور
hunter boots
محد كشحنا ويابلنا القلوبل ورمنق غير هالبواته
والا شزين بوتات القاهرة من هيلتون النيل!... اجميها عن عدوك!
bo bader
اظن السرغوم من فصيلة الشبزي
طبعا السرغوم مهم لأنه مو بس راح يحل مشاكل الديرة السياسية والإقتصادية ولكن الأهم راح يحل مشكلة الرياضة
الحمد لله والشكر
chandal/danchal!!
ترى اللي بالصورة عيال عم رالف لورين من الرضاع :)
aL-NooR .
مساج الله بالنور وبالسرغوم الرفيع والمتين (كشكول مو سرغوم)
عيل بتشتغل شركة المطاحن مضبوط
ربنا يلوع شبدهم زي ما لوعوا شبدنا
ARTFUL
يا خوي يشوفون شيء ما نشوفه
سرغوم يا درب العنا
سرغوم
وش ذنبي انا
سرغوم
وتمضي حياتي
سرغوم
واتمنى الغثا
سرغوم
الله يرحم طلال مداح كان عنده بعد نظر
:)
q8 4ever
بس هم على الأقل عندهم حدود مع ديرة وحدة حنا كل من ناهشنا من صوب :)
chandal/danchal!!
ابشروا بعزكم يايكم مطر السيرغوم يخليكم تلبسون لبس الغاصة مو بس بوت هنتر :)
هقوتي السيرغوم فقع أفريقي
خبرك أول العام استثمرنا بمزراع عيش بفيتنام
والحين العيش يبيله فقع علشان ينجبس معاه
Fahad Al Askr
لووووووووول
شلون طافت علي
فعلا
فتش عن الفقع
خلاص الحمد لله مستقبلنا مضمون
عيش فيتنامي وفقع ليسوتوي
بني صامت مو حكومة :)
الغالي ولد الديرة
مساء الورد ياصعلوكنا المتقاعد
p;
السرغوم....غصيت لما قريته...ماعرفته بس بعد قراءة التعليقات عرفته
:)))
انزين من جدك هالدولة مالها حدود إلآ جنوب أفريقيا
!!
اتصدق لو موحاط الخريطة ماصدقتك
:))))
وعلى قولت التصويت اللي بيمين المدونة:سليمة اتصك رشيدة
:)))))
لك مني أجمل وأعذب تحايا المساء
دشيت على الويكيبيديا لأجد انه السرغوم ما هو الا علف حيواني عزك الله
مو تدري العلف عندنا غالي واتجهوا تجار المواشي للسعوديه الحين يبون يدعمونهم بالسرغوم ما غيره
http://ar.wikipedia.org/wiki/%D8%B0%D8%B1%D8%A9_%D8%A8%D9%8A%D8%B6%D8%A7%D8%A1
انا اقول لا للسرغوم الغير محلي المحلي انفع
شقــــران
هلا بالحبيب
نعم هالمملكة العجبة محاطة بالكامل دائريا بجمهورية جنوب افريقيا
سبحان الله
جنها الدوار اللي بالصفاة
ذاك اليوم ما ادري شطلع بالجريدة والا البعلة تقول "سليمة تصك رشيدة" ، مت من الضحك وقلت لازم احطها بإستفتاء :)
تحياتي يا الحبيب
جبريت
يا سلام عليك
هذي الأخبار والا بلاش
ذكرتني بنكتة حسني مبارك
سألوه
مصر بتصدر لبن؟
قال
آه امال
اصل مصر كلها بهايم
نعم نعم
هذا ما نحتاج في مرحلة التنمية
علف
:)
إرسال تعليق