وجهة نظر رجل

أبي رد لإعتباري
أبي أحد ينقذ لي كرامتي من الإهدارِ
أبي أحد يمنع هالمهزلة من التكرارِ

أبي رد لإعتباري
تعبت من السوقة
مليت من المكياج
عايش كأني مكينة كي نت
وهي ما غيرها الصراف
أبي رد لإعتباري

بخيل
قاهرتني هالكلمة
ذابحتني هالنظرة
اللي محرمة علي إني أجيك حسابي
أو حتى افتح دريشتي وبابي
أبي رد لإعتباري

جنطة شانيل بدلة ديور وعطر ارماني
كل شيء تشوفه تبي تشتريه
كأني واحد من الملوك
او وزير ما عنده حسن سير وسلوك
عادي عندها إذا كنت منتف، مديون او حتى مسجون
كله واحد
لأن الحبيبة بس همها تتسوق واللي وراها يحاسبون
أبي رد لإعتباري

على بالها إني إذا شفتها ساكبة بصير مينون
مدري من قال لها اني صاحي!

يوم ما شفت القصر و المتن و الشعر الغجري المينون
بس الله يغفر لأمي

يوم بزواجي كانت الآمر الناهي

لا حول ولا قوة إلا بالله...أبي رد لإعتباري

أبي وحدة تقدر رجولتي

وهذا من حقي...ما في داعي للإنكارِ
لكن بنفس الوقت تحترمني
وما تجرحني بأسوء الأفكار
أكون لها همسة...فكرة...بسمة
مو ضحكة لأصدقاءها ومدعاة للإفتخارِ
تخاف علي من نفسها
وتسكني وسط روحها في قصر عالي الأسوارِ
أبي وحدة ترد لي إعتباري