لم أشرب كوب ماء إلا في الساعة التاسعة مساءاً تقريبا
داخلني الشك بأني "ظب مان" لولا أني تذكرت اني شربت لبن سرسرح على جبدي عقب ثلاث خلالات برحية منصفة قطفة اولى
فطوري اليوم كان مميز ليس بما كان على المائدة من أطباق شهية متنوعة
لا لا
كان مميزاً بمن كان حاضراً شخصياً وبمن كان حاضراً على الهاتف
شلون حاضراً على الهاتف؟
أنا اقول لكم
الوالدة الله يسلمكم فيها طبع يموتني من الضحك
تحب تتصل على رفيجاتها على الفطور علشان يكون يعني جنهم فاطرين مع بعض
اليوم دور رفيجتها من قطر
اتصل اخوي على الرقم وعطاها التلفون
ردوا اهل قطر شوي والا صوت المرة على الخط
بعد السلامات والتحيات بدء مسلسلي الهزلي مع امي
يمه يمه، سأليها عندهم رمضان اليوم؟
يمه يمه، سأليها محاولة الإنقلاب اللي قالوا عنها صج؟
يمه يمه، ....
ما كملت الا احد داعس لقيمات بحلجي يبون الفكة من ملاقة الفطور
خلصت المكالمة و ما عرفت عن الإنقلاب حسافة
-----------
ليش تلفزيون الكويت حاط بدر بو رسلي؟
يعني لاري كنغ لايف والا شنو؟
------------------
شنو فطرتوا اليوم؟
شنو طقوسكم والا الرطوبة ما خلت طقوس؟
اموت واعرف شلون اهل دبي عايشين!
هناك 24 تعليقًا:
مستن من كل قطر اغنيه
وما اقصد الديره
والله للاسف بعد التمره شربت شوربة عدس
حسيت عقبها تكييف البيت خربان
اونس خالتي
خل تدق علي انا بعد همن سوالفي زينة :)
وبالنسبة حق الرطووبة ضيم بس يكسروون خاطري الحريم اللي شعورهم مو شي مايطلعوون لووول
بس يامعود رطووبة ولا غبار حمدالله
ماعندنا طقووس صراحة بس لازم هريس او يريش
تشريبة
سمبوسة
باكورة او خبز عروق
شوربة اكيد
واكله رئيسية و
وقب الحلو ما شاء الله شي عجيب انا افضل ما اكل اكل واكل حلو
والشايات امبدعين فيها
قهوة بيضا اول ما نقعد
وبعدين زعتر زشاي اسود واذا عمي قاعد لازم جاي قوري
شاي اخضر شاي لومي وقهوة عربية
ستين مطارة عالطاولة لووووووول
السلام عليكم
تقبل الله صيامكم
التمهيد بالتمر و الماي بعدين القصف بالخمس
الا قطر عندهم رمضان و الا لا؟؟
ولد ديرتي
مبارك عليك الشهر
وكل رمضان وانت بخير وصحه والعايله الكريمه يارب
واهم شي رااااس الماااال
الوالده الله يحفظها
ما شالله عليك لك خلق تسولف على الفطووووووووووووووور
تخيل انا ...
على الفطور أتحرش باليهال الي قاعدين عندي
ونفس السؤال ....اتحبوني
؟؟
نصهم يردون والباجي طاااااف
طقوسي ...
ماي
ماي
ماي
بعدين آآآآكل
اي شي
بس التشريبه ما استغنى عنها
لك وحشه يالغالي
تحياتي ..........
اشفيها بنت خشااااب
ما شفتها
؟؟
مبارك عليك الشهر :)
بالنسبة للسؤال الاخير تصدق لو اقولك الحين الامارات مافيها رطوبه مثل الكويت ؟ اخف ، الغريب لمايكون غبار بالكويت الامارات مافيها شي والا يصير رطوبه هم (( تقل )) بالامارات
بالنسبه للفطور بما اني مسافر
فطرت على ماي ( ماحب الا برحي البيت
:P وبعدها كنتاكي ّ! العيش مالهم
شوف الصدف انك حاطه بالاستفتاء لول :)
بس لو رجعت اليوم اكيد التشريب ماني من عشاق اليريش والهريس
الله يخليها لك ويطول بعمرها
تصدق ما شفت تلفزون الكويت شسالفته
الحمدلله ع السلامه
توني اشوف بلوقك منور :)
مبارك عليك الشهر
الله يحفظ لك الوالده و احبابك
بالنسبه للفطور اليوم ما ادري شفيني
تمر و لبن باااارد و عقب التراويح
نومة اهل الكهف لوووول
و لا العاده تشريب و لقيمات شي
اساسي عندي :)
مبارك عليك الشهر
الله يحفظها ويعطيها الصحة والعافية
حلوة قطفة اولى... يعني من النخلة الى المغسلة الى مائدتك
:P
ما شاء الله ريجك مبلول بالذكر والتسبيح... استغفر الله انا ما يكفيني دولكة ماي
:)
ميتة عطش... امس متسحرة من فطاير شويخ وشب بجبدي الجبن... وما اقدر اقول شنو كان فطوري بحزة الصيام... اخاف استاثم بالقراء!
مبارك عليك الشهر يا خوي
وينك من زمان عنك
سلم على الوالده :)
اذا كان في حسنه يكون فيها رمضان بالصيف اهو البرحي الفريش او قطفو اولى على قولتك
D;
وفوقه قلاص ماي باااارد يسرسح
والله الفطور كل خير ، فضل من رب العالمين ألف حمد وشكر لك يا رب
:)
ما دري ليش طعم الماي يتغير برمضان ، يصير ما يروي العطش بس يتفخ البطن .
و القهوه العربيه تاخذ دور الماي ، يصير طعمها احلي من قهوة اكبر ديوانيه .
الله و كيلك مطارتين اخلصهم لين وقت السحور .
السلام عليكم
مبارك عليك الشهر ياخوي وعساك من عواده
واشوه شفت البوست وانا فاطر :)
براقش
شسالفة التكييف بالكويت!!
ترى الرطوبة مأثرة على كل المكيفات
ذكرتيني بأغنية وردة الكازختسانية
يوووووووووووه يوه
هو في حد النهاردة في أطر
joy
على هالطقوس انا وأمي بنييكم باجر
ChEMiCaL-ENG
وعليكم السلام ورحمة الله وبركاته
تصدق ما ادري شفيني القصف عندي مو زود
ابشرك
فيصل القاسم صايم معانا بس ما ادري عن ايمان عياد
صبا
الله يحفظ لج كل عزيز
تعجبيني
الماي والا فلا
مع ان اللبن هم شغل عدل ترى خاصة لما يكون قليل الدسم
انا غاث عيالي يوم وترك بهالسؤال
"تحبوني"
يالله خير يقولون اي ما يندرى عنهم
صبا
ما شفت الا الدعاية
جيييييييييييييكرة خبرج
violinist_q8
علينا وعليك يا الحبيب
لول
عليك بالعافية
اكو كنتاكي بمرسى علم؟
شوف اليريشة لا صارت شغل عدل صدقني مستعد آكلها على الريوق
الله يردك بالسلامة :)
Enter-Q8
الله يسلم لك كل غالي
مو هذا السؤال
من متى عنده سالفة :>
قلب طفله
يسلمج ويخليج ويكبر ما فيج
الله يسلمج ويعزج
عدل شغلج
النوم سلطان واللي جسمه يقول له ابي انام المفروض ينام
التشريبة وما ادراك ما التشريبة
فعلا شيء ضروري
تصدقين شوربة السمج مو طبيعية
جربيها (جني اشوفج تقولين مالك امل)
chandal/danchal!!
هلاو
علينا وعليج ويخلي لج احبابج قولي آمين
لول
منين مطلعة فطاير الشويخ
واللي يسلمج شنو الفطور نبي نعرف :>
ARTFUL
هلا بالحبيب
علينا وعليك ويبلغ :)
عليك بألف عافية
اي والله البرحي شلخنا هالسنة كبر راسنا كله نبي قطفة اولى
عاضّه
تصدق صاج
القهوة فعلا لها لذة برمضان
احنا العادة مع الفطور بس هالسنة كسرت العادة
انصحك بقلاص لبن او اثنين واشرب ماي بعد التراويح
someone_q8
وعليكم السلام ورحمة الله وبركاته
هلا بالحبيب علينا وعليك
اي البوست خادش للشهية :>
إرسال تعليق