لماذا لا توجد بسملة في صدر سورةالتوبة (براءة)؟
ابحثوا فيها فالمسألة تستحق البحث.
------------
منذ سنوات طوال وأنا بفضل الله لا أدري عن هواء منزل التلفاز (هوى داره بالكويتي الفصيح)
إلا أن الحظ أتعسني وأنا بقرب بعلتي العزيزة قدس سرها و شاهدت اجزاء من مسلسلين احدهما "دمعة يتيم" والآخر "الهدامة"
أما الأول فمن السخف بمكان أن لا أجد تعليقات مناسبة له لكثرة ما به من دموع مصطنعة اغرقت الشاشة الفضية بملاقتها
وأما ما سمي "بالهدامة" فيفشل
سيناريو ركيك ومطر الهدامة استمر على مدار حلقتين نظراً لعدم وجود سالفة بالأساس
كما أن مطر الهدامة جرى تصويره وكأنه طوفان نوح وهو في الواقع كان مطر خفيف نخر البيوت الطينية نخراً (ديمة)
لا حبكة ولا أي شيء فقط ممثلين وكاميرات وسيارت عتيجة والسلام
مالت
مقطع اول يوم في المدرسة مكتوب على اللوح تاريخ 13/4/1932
اكو مدرسة تبدي بشهر 4 !!!
التصوير باستراليا؟
-------------------
من يتابع دورة الروضان بالتلفزيون؟
جنه ماكو سالفة!
الحين الألعاب الرياضية السنعة ما تنشاف ماكو الا كرة صالة دايخة!
ودي اثمن تلفزيوني واشتري بشتخته من الهند ابرك لي
هناك 34 تعليقًا:
اول شي عليك بالعافيه الفطور
ثاني شي والاهم
داشه احجز الاول كبر
كويتي بلوقر
:)
والمسلسلات الدايخه برمضان عد وخربط
ما تابع شي بس اشوف جم لقطه مع التقلب بهالريموت
حليمه ... :) ) )
حلوه بس ماصخه الله يقطع سوالفها
عندنا بشتخته ومن الهند بعد
:)
وينكم ... ؟
انا مبجره والا ربعنا لي الحين يتفطرون ...
;)
السلام عليكم
السبب في عدم وجود البسلمة في سورة براءة لأن الرحمة تتعارض مع الوعيد و البراءة من الكافرين في بداية السورة
صح؟؟
:)
و التلفزيون و لله الحمد مقاطعه من زمان بسبة الدراسة و الحين بسبة الملاقة
أذكر السؤال عدل كان في امتحان التجويد
كل شي مليق بالتلفزيون وأنا صايرة زلمة
أتابع مسلسل سوري اسمه زمن العار
أقله قصة صنعة وتمثيل محترم على الحلوين اللي عندنا
سنعه :/
طلعت لاحق على سنة الهدامة !!!!!!!
مبارك عليك الشهر يا شيخ الشباب
: )
بالنسبة لي
مقزرها على قناة نيكيلوديون مع الوريث
:)
صبا
يعافيج ربي
فطور ردبول معطيج جوانح اشوف :)
اي والله عد وخربط والقنوات زادت وزادت خربطتها
الله يرحم ايام راس غليص (الأصلي) :q
صبا
ما شاء الله عليج التمرة ابيد والكمبيوتر ابيد :)
ChEMiCaL-ENG
وعليكم السلام ورحمة الله وبركاته
صح هذا رأي :)
ورأي آخر قول عثمان بن عفان رضي الله عنه ان التوبة نزلت بعد الأنفال وتوفي الرسول صلى الله عليه وعلى آله وصحبه وسلم ولم يعرف ما إذا كانت التوبة سورة بحالها أم تابعة للأنفال وعليه تركت بدون بسملة
زين تسوي
ما خسرت ابد :)
حياتي هدف مو عبث
السوريين احسن من داودوه وطويرق والبلام وغيرهم من الجمبازية
اصلا ما اقدر اشوف لو حاولت صج ملاقة ولا كبريتيد هيدروجين
حياتي هدف مو عبث
صنعة ام نورة :)
ABC
علينا وعليك :)
الصريف كنت رايح الفرع ما لحقت عليهم :q
ابوالوليد
على الأقل شيء مفيد :)
الله يحفظكم
اخوي مره كنت قاعده ابحث عن العلاقة بين الهجرة النبوية المشرفة وهجرة القلب الى الرب ( التوبه )
انصدمت من الرابط ان الهجره النبوية ذكرت في سورة التوبة
كانها رساله من رب البرية لاتكون الهجرة ولا النصرة الا بعد هجرة القلب الى الرب من بوابة التوبه
مو متابعة مسلسلات
بس ام البنات
ولهت على السخافة
:)
انا اقول ثمنه واشتر بداله كروت ايزي اخيرلك
في برنامج واحد يسوى تشوفه اذا بخاطرك .. ما يطول عشر دقايق بس .. اسمه خواطر تصويره كله باليابان .. شوفه يونس
فمان الله
خوش ملاحظة عن شهر أربعه
وأنا خل أتابع الروضان بالمجلس علشان أتابع دورته
و هالشقول شماله راص بالممثله جذي بالصورة؟
شبقى بعد؟؟؟
شنو هالاسفاف و المستوى الرايح فيها؟
ياخي يمعوا علينا خمة الخليج و احنا مو ناقصين خمه بالكويت و خلوهم يصورون هالخلاعه تحت اسم القنوات الكويتيه؟
عييييييييييييييييييييييب
اذا مو مراعين حرمة الحركه، راعوا حرمة الشهر!
ربنا لا تؤاخذنا بما فعل السفهاء من غيرنا في ديرتنا
حبيب قلبي من قوة ولد الديرة
:)
انا وضعي مشابه جدا لوضعك
ذاك اليوم كنت منبطح و اشوف المسلسل المدعو الهدامة
و وايد شغلات الفتت انتباهي كونها تاريخيا غلط .. من حيث الاحداث او الازياء او حتى الالفاظ اللي يستخدمونها الممثلين اللي ما لها علاقة بحجي الكويتيين العتج
المهم ... ما وعيت الا بطلب كريم من الاهل .. يقولون لي فيه .. عثماني لو سمحت ممكن تسكت او تطلع بره ؟؟
طبعا انا سويت الاثنين .. سكت و طلعت بره ..وجابلت النخل بالحوش .. تصدق استانست
:)
شلونك يا خوي
خلك من المسلسلات وتابع شوجي
p;
صبحك الله بالخير ..
يا حلو التحلطم برمضان بس ؟ p;.. ولا علامة كويتية مسجلة ؟..على قولتك ..ولا في مسلسل سنع .. ولا في قصة سنعة .. بس شفت طاش ما طاش ..و was good
وعلى الهدامة انا عندي اهون ..من المسلسلات اللي لا فيها ادب ولا حتى لبس محترم .. المشكلة يحطون كل شي برمضان ..الله يسامحهم
***************************
مركبنا
هلا بأخيتي
صدقتي عساج وايانا من المرحومين :)
المقوع الشرقي
والله شرهتج على اللي يدري عن "ام البنات"
وشي ذي بعد! :)
BeeDoO
انا من زمان قايل خلونا نرد على اللاسلكي محد يسمع :)
فمان الكريم
كويــتي لايــعه كبــده
الله يعين هالمجلس
عز الله انك صاج
حسام بن ضرار
لا هو يعني على بو ان الكرش منطفة عازلة ماكو الا العافية
حسام بن ضرار
اللهم آمين
دبلة جبد
عثماني
هلا وغلا بالقاطع :)
سبحان الله !
نفس الطلبات الكريمة بس انا على استحياء
يعني انطم تلقائي مني ومن نفسي من يرتفع مستوى الفحيح
خلاص عرفنا النظام
ما تنلام لا استانست من مجابل النخل
هالبرحي السنة يا الله من فضلك
الله يستر من السكر بس
لا و مسميها المسيكين "ملحمة الحب والبقاء" وهي ولا حتى بقالة مو ملحمة
سلِّم :)
ARTFUL
هلا بالحبيب
شوجي موديني لهم
على الطاري
شنو شوجي؟ :)
aL-NooR
مساج الله بالرضا والعافية :)
هالسنة ما شفت ولا دقيقة من طاش ما طاش والا يضحكوني هالمهابيل عاد
الله يهديهم آمين
ما تعرف شوجي؟؟
عيل ما تعرف الملاقة
شوف يا خوي
اذا كنت مكثر وتبي تكت جبدك
بطل التلفزيون وشوفها
وادعيلي
:)
ARTFUL
لووووووووووووووول
تعرف السميسمي؟ :q
إرسال تعليق